ପୁରୀରେ ପୁଣି ଥରେ ଆରମ୍ଭ ହୋଇଛି ଉଚ୍ଛେଦ କାର୍ଯ୍ୟ
ପୁରୀରେ ପୁଣି ଥରେ ଆରମ୍ଭ ହୋଇଛି ଉଚ୍ଛେଦ କାର୍ଯ୍ୟ
admin
2446
ପୁରୀ: ଆସନ୍ତା ଜୁନ୍ ୧ ତାରିଖରୁ ଆରମ୍ଭ ହେବ ଐତିହ୍ୟ କରିଡରର ପ୍ରକଳ୍ପ କାର୍ଯ୍ୟ । ସେଥିପାଇଁ ପ୍ରଶାସନିକ ସ୍ତରରେ ବେଶ ତତ୍ପରତା ଦେଖାଦେଇଛି । ଶ୍ରୀକ୍ଷେତ୍ର ଐତିହ୍ୟ କରିଡର ପାଇଁ ପୁରୀରେ ପୁଣି ଥରେ ଆରମ୍ଭ ହୋଇଛି ଜମି ଅଧିଗ୍ରହଣ । ଶ୍ରୀମନ୍ଦିର ୭୫ ମିଟର ସୁରକ୍ଷା ଜୋନ ମଧ୍ୟରୁ ପ୍ରାୟ ୮୭ ପ୍ରତିଶତ ଜମି ଅଧିଗ୍ରହଣ କାର୍ଯ୍ୟ ଶେଷ ହୋଇଛି। ଶ୍ରୀମନ୍ଦିର ଚତୁର୍ପାଶ୍ୱରେ ଥିବା ୧୮ ଟି ମଠ ମଧ୍ୟରୁ ପ୍ରାୟତଃ ମଠର ଉଚ୍ଛେଦକାର୍ଯ୍ୟ ଶେଷ ହୋଇଛି।
ତେବେ ଆଜି ଶ୍ରୀମନ୍ଦିର ସିଂହଦ୍ବାର ସମ୍ମୁଖର ଥିବା ରାଧାବଲ୍ଲଭ ମଠ ଉଚ୍ଛେଦ କରାଯାଉଛି। ୭୫ମିଟର ଶ୍ରୀଜଗନ୍ନାଥ କରିଡର ଭିତରେ ଏହି ରାଧାବଲ୍ଲଭ ମଠର ୯ମିଟର ଆସୁଛି ଯାହାକୁ ଉଚ୍ଛେଦ କରାଯାଉଛି। ଏଥିରେ ୧୩ଟି ଦୋକାନଗୃହ ରହୁଛି। ଉପଜିଲ୍ଲାପାଳଙ୍କ ପ୍ରତେକ୍ଷ ତତ୍ତ୍ବବଧାନରେ ଏହି ଉଚ୍ଛେଦ କରାଯାଉଛି। ତେବେ ସୁରକ୍ଷା ବ୍ୟବସ୍ଥା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।
