ବ୍ରିଟେନ ପ୍ରଧାନମନ୍ତ୍ରୀଙ୍କ ବଡ଼ ଧରଣର ଅଦଳ ବଦଳ, ନାରାୟଣ ମୂର୍ତ୍ତିଙ୍କ ଜାମାତା ଋଷି ସୁନାକଙ୍କୁ ବ୍ରିଟେନର ନୂଆ ଅର୍ଥମନ୍ତ୍ରୀ ଭାବେ ନିଯୁକ୍ତି
ବ୍ରିଟେନ ପ୍ରଧାନମନ୍ତ୍ରୀଙ୍କ ବଡ଼ ଧରଣର ଅଦଳ ବଦଳ, ନାରାୟଣ ମୂର୍ତ୍ତିଙ୍କ ଜାମାତା ଋଷି ସୁନାକଙ୍କୁ ବ୍ରିଟେନର ନୂଆ ଅର୍ଥମନ୍ତ୍ରୀ ଭାବେ ନିଯୁକ୍ତି
admin
5476
ଲଣ୍ଡନ: ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନ ତାଙ୍କ ମନ୍ତ୍ରିମଣ୍ଡଳରେ ବଡ଼ ଧରଣର ଅଦଳ ବଦଳ କରିଛନ୍ତି । ଭାରତୀୟ ବଂଶୋଭବ ରାଜନେତା ତଥା ଇନଫୋସସର ସହ ସଂସ୍ଥାପକ ନାରାୟଣ ମୂର୍ତ୍ତିଙ୍କ ଜାମାତା ଋଷି ସୁନାକଙ୍କୁ ବ୍ରିଟେନର ନୂଆ ଅର୍ଥମନ୍ତ୍ରୀ ଭାବେ ନିଯୁକ୍ତି ମିଳିଛି । ସୁନାକ ବୋରିସ ଜନସନଙ୍କ ମନ୍ତ୍ରିମଣ୍ଡଳରେ ଦ୍ୱିତୀୟ ଭାରତୀୟ ବଂଶୋଭବ ଭାବେ ଗୁରୁତ୍ୱପୂର୍ଣ୍ଣ ମନ୍ତ୍ରାଳୟ ପାଇଛନ୍ତି । ଭାରତୀୟ ବଂଶୋଭବ ପ୍ରୀତି ପଟେଲ ଏବେ ବ୍ରିଟେନ ଗୃହମନ୍ତ୍ରୀ ଅଛନ୍ତି । ଦେଶର ଦୁଇଟି ଅତି ଗୁରୁତ୍ୱପୂର୍ଣ୍ଣ ମନ୍ତ୍ରାଳୟରେ ଦୁଇ ଜଣ ଭାରତୀୟଙ୍କୁ ଅବସ୍ଥାପିତ କରାଯିବା କୂଟନୈତିକ ଦୃଷ୍ଟିରୁ ମଧ୍ୟ ବେଶ ମହତ୍ୱପୂର୍ଣ୍ଣ ବୋଲି କୁହାଯାଇଛି । ୩୯ ବର୍ଷୀୟ ସୁନାକ ପୂର୍ବରୁ ଟ୍ରେଜେରୀ ମୁଖ୍ୟ ସଚିବ ଦାୟିତ୍ୱରେ ଥିଲେ ।
