ନବୀନଙ୍କୁ ଟପିଲେ ରୀତା
ନବୀନଙ୍କୁ ଟପିଲେ ରୀତା
admin
6688
ଭୁବନେଶ୍ୱର : ବିଜେପୁରରେ ବିଜେଡ଼ି ବିପୁଳ ବିଜୟ ପଥରେ ଅଗ୍ରସର ହେଉଛି । ଦ୍ୱାଦଶ ରାଉଣ୍ଡ ସୁଦ୍ଧା ବିଜେଡ଼ି ପ୍ରାର୍ଥୀ ରୀତା ସାହୁ ୫୯୬୬୬ ଖଣ୍ଡ ଭୋଟରେ ଆଗୁଆ ରହିଛନ୍ତି । ରୀତାଙ୍କୁ ଏଯାବତ ୮୨୮୯୩ ଖଣ୍ଡ ଭୋଟ ମିଳିଥିବାବେଳେ ବିଜେପି ପ୍ରାର୍ଥୀ ସନତ ଗଡ଼ତିଆଙ୍କୁ ମାତ୍ର ୨୩୨୨୭ ଖଣ୍ଡ ଭୋଟ ମିଳିଛି । ଯେତେବେଳେକି କଂଗ୍ରେସ ପ୍ରାର୍ଥୀ ଦିଲୀପ ପଣ୍ଡା ମାତ୍ର ୩୪୨୨ ଖଣ୍ଡ ଭୋଟ ପାଇଛନ୍ତି । ଗତ ନିର୍ବାଚନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଠାରେ ୫୭ ହଜାର ଭୋଟରେ ଜିତିଥିବାବେଳେ ରୀତା ଦ୍ୱାଦଶ ରାଉଣ୍ଡ ସୁଦ୍ଧା ୫୯୬୬୬ ଖଣ୍ଡ ଭୋଟରେ ଅଗ୍ରଣୀ ହାସଲ କରିଛନ୍ତି । ସମସ୍ତ ରାଉଣ୍ଡରେ ରୀତା ଅଗ୍ରଣୀ ହାସଲ କରୁଥିବାରୁ ଏହି ବିଜୟ ବ୍ୟବଧାନ ଆହୁରି ବୃଦ୍ଧି ପାଇବ ବୋଲି କୁହାଯାଇପାରେ । ଏମିତିକି ଗତ ସାଧାରଣ ନିର୍ବାଚନର ସୌମ୍ୟରଂଜନ ପଟ୍ଟନାୟକଙ୍କ ବିଜୟ ବ୍ୟବଧାନକୁ ରୀତା ବଳିଯିବେବୋଲି ଚର୍ଚ୍ଚା ଆରମ୍ଭ ହୋଇଛି । ବିଜେପୁରର ପ୍ରାୟ ୨ ଲକ୍ଷ ୩୦ ହଜାର ଭୋଟରଙ୍କ ମଧ୍ୟରୁ ୭୯% ମତଦାତା ଭୋଟ ଦେଇଛନ୍ତି ।
