ଆଉ ଏକ କରୋନା ଔଷଧକୁ ମଂଜୁରୀ

Apr 23, 2021 - 10:11 Updated: Apr 23, 2021 - 10:11

2315

ନୂଆଦିଲ୍ଲୀ: ଦେଶରେ କରୋନା ସ୍ଥିତି ଅତି ଭୟଙ୍କର ରୂଦ ଧାରଣ କଲାଣି । ଛାତି ଥରାଇଦେଲା ଭଳି ହାରରେ ମାଡି ଚାଲିଛି କୋଭିଡର ଦ୍ୱିତୀୟ ଲହରୀ । ଦେଶରେ ଦୈନିକ ୩ ଲକ୍ଷ ଉପରେ କରୋନା ସଂକ୍ରମଣ ଚିହ୍ନଟ ହେଉଛନ୍ତି । ଆଜି ବି ଦେଶରୁ ୩ ଲକ୍ଷ ୩୨ ହଜାର ୭୩୦ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏବେ ମନେ ହେଉଛି ଯେମିତି କରୋନା ସୁନାମୀ ଗିଳିଯିବ ସାରା ଦେଶକୁ । କୋଭିଡ ଆରମ୍ଭ ହେବା ଦିନଠାରୁ ଏହା ବିଶ୍ୱରେ ସର୍ବାଧିକ ଦୈନିକ ସଂକ୍ରମଣ । ଏହା ଭିତରେ ସାମନାକୁ ଆସିଲା ଆଉ ଏକ ବଡ ଖବର । ତାହା ହେଲା ଆଉ ଏକ କରୋନା ଔଷଧ ଭିରାଫିନକୁ ମଂଜୁରୀ ମିଳିଲା । ଜରୁରୀ ବ୍ୟବହାର ପାଇଁ ଡିଜିସିଆଇ ମଂଜୁରୀ ଦେଇଛି । ଜାଏଡସ୍ କାଡିଲା ଦ୍ୱାରା ପ୍ରସ୍ତୁତ ଔଷଧ ଭିରାଫିନ୍ । କରୋନା ରୋଗୀଙ୍କ ପାଇଁ ଏବେ ଦୁଇଟି ଔଷଧ ବ୍ୟବହାର ହେଉଛି । ଏବେ ଫାଭିପିରାଭିର, ରେମଡେସିଭିର୍ ବ୍ୟବହାର କରାଯାଉଛି ।