ଆଇଏଏସ୍ ଓ ଆଇଏଫ୍ଏସ୍ ସ୍ତରରେ ଅଦଳବଦଳ
ଆଇଏଏସ୍ ଓ ଆଇଏଫ୍ଏସ୍ ସ୍ତରରେ ଅଦଳବଦଳ
admin
3252
ଭୁବନେଶ୍ୱର : ଶୁକ୍ରବାର ରାଜ୍ୟ ସରକାର ଆଇଏଏସ୍ ଓ ଆଇଏଫ୍ଏସ୍ ସ୍ତରରେ ଛୋଟ ଧରଣର ଅଦଳ ବଦଳ କରିଛନ୍ତି । ୧୯୮୯ ବ୍ୟାଚ୍ ଆଇଏଏସ୍ ଅଧିକାରୀ ତଥା ଜଙ୍ଗଲ ଓ ପରିବେଶ ବିଭାଗ ପ୍ରମୁଖ ଶାସନ ସଚିବ ଥିବା ଡାକ୍ତର ମୋନା ଶର୍ମାଙ୍କୁ ଓଡ଼ିଶା ଜଙ୍ଗଲ ଉନ୍ନୟନ ନିଗମର ଅଧ୍ୟକ୍ଷ ଭାବେ ଅତିରିକ୍ତ ଦାୟିତ୍ୱ ପ୍ରଦାନ କରାଯାଇଛି । ବରିଷ୍ଠ ଆଇଏଏସ୍ ଗଗନ ବିହାରୀ ଧଳ ସ୍ୱେଚ୍ଛାକୃତ ଅବସର ନେବା ପରେ ଏହି ପଦବିଟି ଖାଲି ପଡ଼ିଥିଲା ।
ସେହିପରି ଭାରତୀୟ ଜଙ୍ଗଲ ସେବା ଅଧିକାରୀ ତଥା ଆଇଏଫ୍ଏସ୍ ସୁଦର୍ଶନ ପଣ୍ଡାଙ୍କୁ ପିସିସିଏଫ୍ ପଦବିକୁ ପଦୋନ୍ନତି ମିଳିଛି । ୧୯୮୭ ବ୍ୟାଚ୍ ଆଇଏଫ୍ଏସ୍ ଅଧିକାରୀ ଶ୍ରୀ ପଣ୍ଡା ଜଙ୍ଗଲ ଓ ପରିବେଶ ବିଭାଗର ସ୍ୱତନ୍ତ୍ର ଶାସନ ସଚିବ ଭାବେ କାର୍ଯ୍ୟ କରୁଥିଲେ । ଏହାସହିତ ଓଏଫ୍ଏସଡିପିର ପ୍ରକଳ୍ପ ନିଦେ୍ର୍ଧଶକ ଦାୟିତ୍ୱ ମଧ୍ୟ ତୁଲାଉଥିଲେ ।
୧୯୯୧ ବ୍ୟାଚ୍ ଆଇଏଫ୍ଏସ୍ ତଥା ଓରସାକ୍ ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ପି.କେ ମଲ୍ଲିକଙ୍କୁ ଅତିରିକ୍ତ ପିସିସିଏଫ୍ ପଦବିକୁ ପଦୋନ୍ନତି ମିଳିଛି । ସେହିପରି ୨୦୦୭ ବ୍ୟାଚ୍ ଆଇଏଫ୍ଏସ୍ ଅଧିକାରୀ ତଥା ଓଡ଼ିଶା ଜଙ୍ଗଲ ଉନ୍ନୟନ ନିଗମ ମହାପ୍ରବନ୍ଧକ ଥିବା ରୋହିତ କୁମାର ଲେଙ୍କାଙ୍କୁ ବଣାଇ ପିସିସିଏଫ୍ ଅଫିସ ମୁଖ୍ୟ ଭାବେ ବଦଳି କରାଯାଇଛି । ଝାରସୁଗୁଡ଼ା ଡିଏଫଓ ଥିବା ୨୦୧୩ ବ୍ୟାଚ୍ ଆଇଏଫ୍ଏସ୍ ଅଧିକାରୀ ସୁଶାନ୍ତ କୁମାରଙ୍କୁ ବଦଳି କରାଯାଇ ପୁରୀ ଜଙ୍ଗଲ ଡିଭିଜନର ଡିଏଫଓ ଭାବେ ନିଯୁକ୍ତି ଦିଆଯାଇଛି ।
