‘ଜମ୍ମୁ କାଶ୍ମୀରକୁ ଆତଙ୍କବାଦ ଯୁଗକୁ ନେବାକୁ ଚାହୁଁଛି ଗୁପକାର ମେଣ୍ଟ’
‘ଜମ୍ମୁ କାଶ୍ମୀରକୁ ଆତଙ୍କବାଦ ଯୁଗକୁ ନେବାକୁ ଚାହୁଁଛି ଗୁପକାର ମେଣ୍ଟ’
admin
5469
‘ଜମ୍ମୁ କାଶ୍ମୀରକୁ ଆତଙ୍କବାଦ ଯୁଗକୁ ନେବାକୁ ଚାହୁଁଛି ଗୁପକାର ମେଣ୍ଟ’
ନୂଆଦିଲ୍ଲୀ : ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା ଗୁପକାର ମେଣ୍ଟକୁ ସମାଲୋଚନା କରିଛନ୍ତି । ଏହି ମେଣ୍ଟ ଜମ୍ମୁ କାଶ୍ମୀରକୁ ଆତଙ୍କବାଦ ଯୁଗକୁ ଫେରାଇ ନେବାକୁ ଚାହୁଁଛି ବୋଲି ଶାହା ମତ ଦେଇଛନ୍ତି । କଂଗ୍ରେସ ସହିତ ଏହି ମେଣ୍ଟର ସଦସ୍ୟ ମାନେ ଜମ୍ମୁ କାଶ୍ମୀରକୁ ଆତଙ୍କବାଦ ଯୁଗକୁ ଫେରାଇନେବେ ବୋଲି ଟ୍ୱିଟ କରିଛନ୍ତି ଶାହା । ଏହି ଗ୍ୟାଙ୍ଗ ବର୍ତ୍ତମାନ ବିଶ୍ୱ ସମୁଦାୟର ଦୃଷ୍ଟି ଆକର୍ଷଣ କରିବାକୁ ଚାହୁଁଛି । ଏକାଧିକ ଟ୍ୱିଟ ମାଧ୍ୟମରେ ଗୁପକାର ମେଣ୍ଟ ଏବଂ କଂଗ୍ରେସକୁ ସମାଲୋଚନା କରିଛନ୍ତି ଶାହା ।
ଗତବର୍ଷ ଅଗଷ୍ଟ ମାସରେ ବିଜେପି ସରକାର ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ କରିବା ସହିତ ଏହାକୁ ଦୁଇଟି କେନ୍ଦ୍ର ଶାସିତ ଅଞ୍ଚଳରେ ପରିଣତ କରିଥିଲେ । କଂଗ୍ରେସ ପ୍ରଥମରୁ ଏହାକୁ ବିରୋଧ କରୁଥିବା ବେଳେ ବର୍ତ୍ତମାନ ଏହି ଧାରାରେ ନିଜକୁ ସାମିଲ କରିଛି ଗୁପକାର ମେଣ୍ଟ । ଦଳିତ, ମହିଳା ଏବଂ ଅନୁସୂଚିତ ଜାତି ଓ ଜନଜାତିଙ୍କ ଅଧିକାରକୁ ଏହି ରାଜନୈତିକ ଦଳ ମାନେ କ୍ଷୁର୍ଣ୍ଣ କରିବାକୁ ଚାହୁଁଛନ୍ତି ବୋଲି ଶାହା ଟ୍ୱିଟ କରିଛନ୍ତି । ଜମ୍ମୁ କାଶ୍ମୀର ସଦାସର୍ବଦା ଭାରତର ଅବିଚ୍ଛେଦ୍ୟ ଅଙ୍ଗ ରହିଥିଲା ଏବଂ ରହିବ । ତେଣୁ ଭାରତର ଲୋକଙ୍କ ସହିତ ଗୁପକାର ଗ୍ୟାଙ୍ଗ ଯିବା ଉଚିତ ନଚେତ ଜନତା ଏହି ଦଳକୁ ପ୍ରତ୍ୟାଖ୍ୟାନ କରିବେ ବୋଲି ଶାହା କହିଛନ୍ତି ।
ସେହିପରି କଂଗ୍ରେସ ଏବଂ ଗୁପକାର ଗ୍ୟାଙ୍ଗ ମଧ୍ୟରେ ହୋଇଥିବା ମେଣ୍ଟକୁ ଟାର୍ଗେଟ କରିଛନ୍ତି । ଗୁପକାର ଗ୍ୟାଙ୍ଗର ସଦସ୍ୟ ମାନେ ତ୍ରିରଙ୍ଗାକୁ ଅସମ୍ମାନ କରୁଥିବା ବେଳେ ଏହାକୁ ନେଇ ଉଭୟ ସୋନିଆ ଏବଂ ରାହୁଲ ଗାନ୍ଧୀ ନିଜର ପକ୍ଷ ସ୍ପଷ୍ଟ କରନ୍ତୁ ବୋଲି ଶାହା କହିଛନ୍ତି । ଭାରତର ଜନସାଧାରଣଙ୍କ ସମ୍ମୁଖରେ ସୋନିଆ ଏବଂ ରାହୁଲ ନିଜର ଆଭିମୁଖ୍ୟ ସ୍ପଷ୍ଟ କରନ୍ତୁ ବୋଲି ଶାହା ଟ୍ୱିଟ କରିଛନ୍ତି ।
