୯୦ରେ ପଦାର୍ପଣ କଲେ ଲତା
୯୦ରେ ପଦାର୍ପଣ କଲେ ଲତା
admin
5010
ନୂଆଦିଲ୍ଲୀ: କିମ୍ବଦନ୍ତୀ ଗାୟିକା ଲତା ମଙ୍ଗେଶକର ଆଜି ୯୦ ବର୍ଷ ବୟସରେ ପଦାର୍ପଣ କରିଛନ୍ତି । ରାଷ୍ଟ୍ରପତି ରାମନାଥ କୋବିନ୍ଦ ଆଜି ଲତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ତାଙ୍କର ଉତ୍ତମ ସ୍ୱାସ୍ଥ୍ୟ କାମନା କରିଛନ୍ତି । ସେହିପରି ବିଜେପି ଅଧ୍ୟକ୍ଷ ଅମିତ ଶାହ ଏବଂ କ୍ରିକେଟର୍ ସଚ୍ଚିନ ତେନ୍ଦୁଲକର ମଧ୍ୟ ଲତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଲତାଙ୍କ ଜନ୍ମଦିନ ଅବସରରେ ତାଙ୍କୁ ବଲିଉଡରୁ ଶୁଭେଚ୍ଛାର ସୁଅ ଛୁଟିଛି । ସୁପରଷ୍ଟାର ଅମିତାଭ ବଚ୍ଚନ ଲତାଙ୍କ ପାଇଁ ଏକ ସ୍ୱତନ୍ତ୍ର ବାର୍ତ୍ତା ରଖି ସୋସିଆଲ ମିଡିଆରେ ୭ ମିନିଟର ଏକ ଭିଡିଓ ପୋଷ୍ଟ୍ କରିଛନ୍ତି । ଲତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଅମିତାଭ କହିଛନ୍ତି, ଲତାଜୀ ଆପଣଙ୍କ ସ୍ୱର ବିନା ସଂଗୀତ ଅସମ୍ପୂର୍ଣ୍ଣ । ଅଭିନେତାରୁ ରାଜନେତା ବନିଥିବା ଧର୍ମେନ୍ଦ୍ର ମଧ୍ୟ ଲତାଙ୍କ ପାଇଁ ଏକ ସ୍ୱତନ୍ତ୍ର ଭିଡିଓ ରେକର୍ଡିଂ କରି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ୧୯୨୯, ସେପ୍ଟେମ୍ବର ୨୮ରେ ଜନ୍ମଗ୍ରହଣ କରିଥିବା ଲତା ଭାରତ ରତ୍ନ, ପଦ୍ମ ଭୂଷଣ ଏବଂ ପଦ୍ମ ବିଭୂଷଣ ସମ୍ମାନରେ ସମ୍ମାନିତ ହୋଇଛନ୍ତି ।
