୧୫ ବର୍ଷ ବୟସରେ ଘର ଛାଡ଼ିଥିଲେ କଙ୍ଗନା

Mar 31, 2020 - 13:12 Updated: Mar 31, 2020 - 13:12

6187

ଲକଡାଉନରେ ଅନେକ ସୋସିଆଲ ମିଡିଆରେ ନିଜର ପୁରୁଣା ଫଟୋ ସେୟାର କରୁଥିବା ବେଳେ କେହି ନିଜର ବିତିଯାଇଥିବା ପୁରୁଣା ଦିନକୁ ମନେ ପକାଇ ସେୟାର କରୁଛନ୍ତି । କଙ୍ଗନା ରାଣାୱତ ଏକ ଭିଡିଓ ସେୟାର କରି ନିଜର ବିତିଲା ଦିନ ଓ ସେତେବେଳେ ତାଙ୍କ ସାମ୍ନାରେ ଥିବା ଆହ୍ୱାନ ବିଷୟରେ କହିଛନ୍ତି । ସେ କହିଛନ୍ତି ଏବେ ଲକଡାଉନ ତାଙ୍କ ପାଇଁ ଖରାପ ସମୟ ନୁହେଁ, ବରଂ ତାଙ୍କୁ ୧୫ ବର୍ଷ ହୋଇଥିବା ବେଳେ ତାଙ୍କ ଜୀବନରେ ଏକ ଖରାପ ସମୟ ଆସିଥିଲା । ଏହି ବୟସରେ ସେ ଘର ଛାଡ଼ି ଦୂରକୁ ପଳେଇଥିଲେ । ଭାବିଥିଲେ ଏବେ ସେ ତାରାମାନଙ୍କୁ ନିଜ ହାତ ମୁଠାରେ ଧରିପାରିବେ । ତାଙ୍କ ସ୍ୱପ୍ନ ମୁତାବକ ସେ ଜଣେ ଫିଲ୍ମ ତାରକା ସିନା ହୋଇଗଲେ କିନ୍ତୁ ଦେଢ଼ ବର୍ଷରୁ ଦୁଇ ବର୍ଷ ମଧ୍ୟରେ ସେ ଡ୍ରଗସ କବଳରେ ପଡ଼ି ଯାଇଥିଲେ । ସେ କହିଛନ୍ତି ଯେ, ଏ ସମୟରେ ମୁଁ ଏମିତି ଲୋକଙ୍କ କବଳରେ ପଡ଼ିଯାଇଥିଲି ଯେଉଁଠି ମୃତ୍ୟୁ ହିଁ କେବଳ ମତେ ରକ୍ଷା କରିପାରିବ ବୋଲି ମନେ ହେଉଥିଲା । ତେବେ ଜଣେ ସାଙ୍ଗ ତାଙ୍କୁ ଆଧ୍ୟାତ୍ମିକ ଦୁନିଆ ଭିତରକୁ ନେବା ପରେ ପରିବର୍ତ୍ତନ ଘଟିଥିଲା । ସେଇ ସାଙ୍ଗ ତାଙ୍କୁ ଯୋଗ ଦୁନିଆକୁ ନେବା ସହ ରାଜଯୋଗ ବହିଟିଏ ଦେଇଥିଲା । ଏହା ପରେ ସେ ସ୍ୱାମୀ ବିବେକାନନ୍ଦଙ୍କୁ ନିଜର ଗୁରୁମାନି ତାଙ୍କ ପ୍ରଦର୍ଶିତ ମାର୍ଗରେ ଚାଲିଥିଲେ । ତେଣୁ ସମସ୍ତେ ନିଜ ସମୟର ସଠିକ ବ୍ୟବହାର କରିବାକୁ ସେ କହିଛନ୍ତି ।