୧୨ଟା ସୁଦ୍ଧା ଏନଡିଏ ଆଗୁଆ

Nov 10, 2020 - 07:27 Updated: Nov 10, 2020 - 07:27

4973

ପାଟନା: ବିହାର ଫଳାଫଳ ଉପରେ ପୁରା ଦେଶର ନଜର । କାରଣ ଏହି ରାଜ୍ୟର ଫଳାଫଳ ଆଗକୁ ହେବାକୁ ଥିବା ପଶ୍ଚିମ ବଙ୍ଗ ଓ ଉତ୍ତର ପ୍ରଦେଶ ନିର୍ବାଚନକୁ ପ୍ରଭାବିତ କରିବ ବୋଲି କୁହାଯାଉଥିଲା । ସବୁ ଏଗଜିଟ୍ ପୋଲ୍ ତେଜସ୍ୱୀଙ୍କ ରାଜ୍ୟାଭିଷେକ ଏକରକମ କରି ସାରିଥିଲେ । ଦିନ ୧୨ ଟା ସୁଦ୍ଧା ବିହାର ନିର୍ବାଚନର ଫଳା ଫଳରେ ଏନଡିଏ ଆଗୁଆ ରହିଛି । ଏନଡିଏ ୧୩୩ ଆସନରେ ଆଗୁଆ ଥିବା ବେଳେ ମହାଗଠବନ୍ଧନ ୯୬ ଆସନରେ ଆଗୁଆ ରହିଛି । ସେହିଭଳି ଏଲଜେପି ୫ ଟି ଆସନରେ ଆଗୁଆ ଥିବା ବେଳେ ଅନ୍ୟାନ୍ୟ ଛୋଟ ଦଳ ମାନେ ୯ ଟି ଆସନରେ ଆଗୁଆ ରହିଛନ୍ତି । ଏନଡିଏରେ ବିଜେପି ୭୪ ଟି ଆସନରେ ଆଗୁଆ ଥିବା ବେଳେ ଜେଡିୟୁ ୪୯ ଟି ଆସନରେ ଆଗୁଆ ରହିଛି ସେହଭଳି ଭିଆଇପି ପାର୍ଟି ୮ ଟି ଆସନରେ ଆଗୁଆ ରହିଛି । ମହାମେଣ୍ଟରେ ଆରଜେଡି ୫୯ ଟି ଆସନରେ ଆଗୁଆ ରହିଥିବା ବେଳେ କଂଗ୍ରେସ ୨୧ ଓ ବାମଦଳ ୧୯ ଆସନରେ ଆଗୁଆ ଚାଲିଛି । ମହାଗଠବନ୍ଧନର ମୁଖ୍ୟମନ୍ତ୍ରୀ ଦାବିଦାର ତେଜସ୍ୱୀ ଯାଦବ ନିଜ ଆସନରେ ଆଗୁଆ ରହଛନ୍ତି ଓ ତାଙ୍କ ଭାଇ ତେଜପ୍ରତାପ ଯାଦବ ବି ହାସିନପୁର ଆସନରୁ ଆଗୁଆ ରହିଛନ୍ତି । ତେବେ ୭୪ଟି ଆରସରେ ଭୋଟ ବ୍ୟବଧାନ ୧୦୦୦ରୁ କମ୍ ରହିଥିବା ବେଳେ ୪୨ ଟି ଆସନରେ ଭୋଟ ବ୍ୟବଧାନ ୫୦୦ରୁ କମ ରହିଛି ।