୧୦୮ ଦେଶକୁ ୮.୫ କୋଟି କ୍ଲୋରୋକୁଇନ ପଠାଇଛି ଭାରତ
୧୦୮ ଦେଶକୁ ୮.୫ କୋଟି କ୍ଲୋରୋକୁଇନ ପଠାଇଛି ଭାରତ
admin
2953
ମ୍ୟାଲେରିଆ ରୋଗୀଙ୍କ ଦିଆଯାଉଥିବା ହାଇଡ୍ରୋକ୍ସି କ୍ଲୋରୋକୁଇନ ଔଷଧ କରୋନା ନିମନ୍ତେ ସଞ୍ଜିବନୀ ରୂପେ ଉଭା ହୋଇଛି । ଭାରତ ଗତ ୨ ସପ୍ତାହ ମଧ୍ୟରେ ୧୦୮ ଦେଶକୁ ୮.୫ କୋଟି ହାଇଡ୍ରୋକ୍ସି କ୍ଲୋରୋକୁଇନ ଟାବଲେଟ ପଠାଇ ଉଦାହରଣ ସୃଷ୍ଟି କରିଛି । କରୋନା ନିମନ୍ତେ ୫୦ କୋଟି ପାରାସିଟାମଲ ଟାବଲେଟ ମଧ୍ୟ ୧୦୦ ରୁ ଊର୍ଦ୍ଧ୍ୱ ଦେଶକୁ ପଠାଯାଇଛି । ଏହା ବ୍ୟତୀତ ପାରାସିଟାମଲ ଟାବଲେଟ ପ୍ରସ୍ତୁତ କରିବା ନିମନ୍ତେ ୧୦୦୦ ଟନର କଞ୍ଚାମାଲ ଭାରତ ବିଭିନ୍ନ ଦେଶକୁ ପଠାଇଛି । ଭାରତୀୟ ବାୟୁ ସେନାର ସ୍ୱତନ୍ତ୍ର ବିମାନ ଯୋଗେ ଅନ୍ୟ କେତେକ ସ୍ୱତନ୍ତ୍ର ବିମାନ ଯୋଗେ ଏହି ଔଷଧ ପଠାଯାଇଛି । ଭାରତ ନିମନ୍ତେ ଆବଶ୍ୟକୀୟ ଟାବଲେଟ ସୁନିଶ୍ଚିତ କରିବା ପରେ ହିଁ ବଳକା ଟାବଲେଟ ପଠାଯାଉଥିବା ଜନୈକ ବରିଷ୍ଠ ଅଧିକାରୀ ସୂଚନା ଦେଇଚନ୍ତି । ବାଣିଜ୍ୟିକ ଚୁକ୍ତି ଆଧାରରେ ଏହି ଟାବଲେଟ ପଠାଯାଇଛି । ହାଇଡ୍ରୋକ୍ସି କ୍ଲୋରୋକୁଇନ ପଠାଯାଇଥିବା ଦେଶମାନଙ୍କ ମଧ୍ୟରେ ଆମେରିକା, ବ୍ରିଟେନ, ରୁଷିଆ, ଫ୍ରାନ୍ସ ଓ ନେଦରଲ୍ୟାଣ୍ଡ ଆଦି ରହିଛି । ଇଟାଲୀ, ସ୍ୱିଡେନ, ସିଙ୍ଗାପନୁର ଭଳି ୫୨ଟି ଦେଶକୁ ପାରାସିଟାମଲ ପଠାଯାଇଛି ।
