ୟେଦ୍ୟୁରପ୍ପାଙ୍କ ୟୁଟର୍ଣ୍ଣ : ଗ୍ରୀନ କ୍ରାକରକୁ ଅନୁମତି
ୟେଦ୍ୟୁରପ୍ପାଙ୍କ ୟୁଟର୍ଣ୍ଣ : ଗ୍ରୀନ କ୍ରାକରକୁ ଅନୁମତି
admin
4731
ବେଙ୍ଗାଲୁରୁ : ଦୀପାବଳିରେ ବାଣ ବିକ୍ରିକୁ ଅନୁମତି ବନ୍ଦ କରିବା ପରେ ୟୁଟର୍ଣ୍ଣ ନେଇଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ ବି ଏସ ୟେଦ୍ୟୁରପ୍ପା । ଶୁକ୍ରବାର ୟୁଟର୍ଣ୍ଣ ନେବା ସହ ଗ୍ରୀନ କ୍ରାକର ବିକ୍ରିକୁ ଅନୁମତି ମଧ୍ୟ ଦେଇଛନ୍ତି । ନିଜେ ଟ୍ୱିଟ କରି ଏ ସମ୍ପର୍କରେ ଘୋଷଣା କରିଛନ୍ତି ୟେଦ୍ୟୁରପ୍ପା । ପୂର୍ବରୁ ବାଣ ବିକ୍ରି ଏବଂ ଫୁଟାଇବା ଉପରେ କର୍ଣ୍ଣାଟକ ସରକାର ସମ୍ପୂର୍ଣ୍ଣ ରୋକ ଲଗାଇଥିଲେ । ବିଭିନ୍ନ ବର୍ଗର ବ୍ୟକ୍ତିଙ୍କ ସହିତ ଆଲୋଚନା ପରେ କେବଳ ଗ୍ରୀନ କ୍ରାକରକୁ ଅନୁମତି ପ୍ରଦାନ କରାଯାଇଛି । ନିଜ ପରିବାରକୁ ସୁରକ୍ଷିତ ରଖିବା ସହିତ କେବଳ ଗ୍ରୀନ କ୍ରାକର ଫୁଟାନ୍ତୁ ଏବଂ ସରଳ ଭାବରେ ଦୀପାବଳି ପାଳନ କରିବା ପାଇଁ ଜନସାଧାରଣଙ୍କୁ ନିବେଦନ କରିଛନ୍ତି ୟେଦ୍ୟୁରପ୍ପା । ଗତକାଲି ଅପରାହ୍ନରେ ଏକ ପ୍ରେସମିଟ କରି ବାଣ ବିକ୍ରି ଉପରେ ନିଷେଧାଦେଶ ଜାରି କରିଥିଲେ ୟେଦ୍ୟୁରପ୍ପା । ତେବେ ଏହି ଘୋଷଣା ପରେ ସୋସିଆଲ ମିଡିଆରେ ଏହାକୁ ଦୃଢ ବିରୋଧ କରାଯିବା ପରେ ନିଷ୍ପତ୍ତି ପରିବର୍ତ୍ତନ କରିଛନ୍ତି ୟେଦ୍ୟୁରପ୍ପା ।
