ସ୍ପେଶିଆଲ ପୁଲିସ ଡ୍ରାଇଭ : ଗୋଟିଏ ଦିନରେ ୩୪ ଲକ୍ଷ ଜୋରିମାନା
ସ୍ପେଶିଆଲ ପୁଲିସ ଡ୍ରାଇଭ : ଗୋଟିଏ ଦିନରେ ୩୪ ଲକ୍ଷ ଜୋରିମାନା
admin
3030
ଭୁବନେଶ୍ୱର: କୋଭିଡ ନିୟମ ଉଲ୍ଲଂଘନ ନେଇ ଅମାନିଆଙ୍କୁ ଏବେ ସାବାଡ଼ କରୁଛି ପୁଲିସ । ଉଲ୍ଲଂଘନକାରୀଙ୍କ ଠାରୁ ମୋଟା ଅଙ୍କର ଜୋରିମାନା ଆଦାୟ କରାଯାଉଛି । ଏହାରି ଭିତରେ ଚତୁର୍ଥ ଦିନରେ ୨୪ ଘଣ୍ଟାରେ ୩୪ ଲକ୍ଷ ୬୪ ହଜାର ଜୋରିମାନା ଆଦାୟ କରାଯାଇଛି । କରୋନା କଟକଣା ଉଲ୍ଲଂଘନ ଅଭିଯୋଗରେ ୧୧,୫୦୦ ଜଣଙ୍କ ଠାରୁ ଫାଇନ ଆଦାୟ କରାଯାଇଛି । ମାସ୍କ ନପିନ୍ଧିବା ଓ ସାମାଜିକ ଦୂରତା ନମାନିବା ଅଭିଯୋଗ ଏହି ଜୋରିମାନା ଆଦାୟ କରାଯାଇଛି ।
କରୋନା ସଂକ୍ରମଣର ଦ୍ୱିତୀୟ ଲହର ଏବେ ସମସ୍ତଙ୍କ ଟେନସନ ବଢ଼ାଇଦେଇଛି । ଲୋକମାନେ ମାସ୍କ ପିନ୍ଧୁନଥିବାବେଳେ ସାମାଜିକ ଦୂରତା ମଧ୍ୟ ରଖୁନାହାନ୍ତି । ସେଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିଦେ୍ର୍ଧଶ କ୍ରମେ ୧୦ଦିନିଆ ସ୍ପେଶିଆଲ ପୁଲିସ ଡ୍ରାଇଭ ଆରମ୍ଭ ହୋଇଛି ।
ସାରା ରାଜ୍ୟରେ କରୋନା କଟକଣା କଡ଼ାକଡ଼ି ଅନୁପାଳନ କରିବା ପାଇଁ ୧୩୬ ପ୍ଲାଟୁନ ପୁଲିସ ଫୋର୍ସକୁ ନିୟୋଜିତ କରାଯାଇଛି । ଜିଲ୍ଲା ଏସପି, ଡିଏସପି ଏବଂ ବରିଷ୍ଠ ଅଧିକାରୀମାନଙ୍କ ନେତୃତ୍ୱରେ ବିଭିନ୍ନ ଛକରେ ଯାଂଚ କରାଯାଉଥିବା ଦେଖିବାକୁ ମିଳିଛି ।
