ସୋନିଆଙ୍କ ସମୀକ୍ଷା କମିଟିରେ ସପ୍ତଗିରି ଉଲାକା
ସୋନିଆଙ୍କ ସମୀକ୍ଷା କମିଟିରେ ସପ୍ତଗିରି ଉଲାକା
admin
5668
ନୂଆଦିଲ୍ଲୀ: ମୋଦି ସରକାରଙ୍କ ଦ୍ଵାରା ପ୍ରସ୍ତୁତ ବିଭିନ୍ନ ଉନ୍ନୟନ ପଲିସିର ସମୀକ୍ଷା ନିମନ୍ତେ ବିରୋଧୀ କଂଗ୍ରେସ ଦଳ, ତିନିଟି କମିଟି ଗଠନ କରିଛନ୍ତି। ତେବେ ମୋଦୀ ସରକାରଙ୍କ ବୈଦେଶିକ, ଆର୍ଥନୀତିକ ଏବଂ ସୁରକ୍ଷା ପଲିସିର ସମୀକ୍ଷା କରିବା ପାଇଁ ବିରୋଧୀ କଂଗ୍ରେସର ଅଧ୍ୟକ୍ଷା ସୋନିଆ ଗାନ୍ଧୀ, ଦଳର ତିନିଟି କମିଟି ଗଠନ କରିଛନ୍ତି। ଗଠିତ କମିଟିରେ କଂଗ୍ରେସର ହେଭିୱେଟ୍ ନେତା ମନ୍ତ୍ରୀ ରହିଥିବା ବେଳେ ଏମାନଙ୍କ ମଧ୍ୟରେ ରହିଛନ୍ତି କୋରାପୁଟର କଂଗ୍ରେସ ସାଂସଦ ସପ୍ତଗିରି ଉଲାକା। ଏଥିସହ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ସମସ୍ତ କମିଟିରେ ସଦସ୍ୟ ଅଛନ୍ତି।
ତିନି କମିଟି ମଧ୍ୟରୁ ଆର୍ଥନୀତିକ ବ୍ୟାପାର କମିଟିରେ ମନମୋହନ ସିଂହଙ୍କ ସମେତ ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ୱରମ, ମଲ୍ଲିକାର୍ଜୁନ ଖାଡ଼ଗେ, ଦିଗବିଜୟ ସିଂ ଓ ଜୟରାମ ରମେଶ ଅଛନ୍ତି। ରମେଶ ଏହି କମିଟିର ଆବାହକ ଅଛନ୍ତି । ସେହିପରି ବୈଦେଶିକ ବ୍ୟାପାର କମିଟିରେ ମନମୋହନ ସିଂହଙ୍କ ସମେତ ଆନନ୍ଦ ଶର୍ମା, ଶଶୀ ଥରୁର, ସଲମାନ ଖୁର୍ସିଦ୍ (ଆବାହକ) ଓ ସପ୍ତଗିରି ଉଲାକା ରହିଛନ୍ତି। ଜାତୀୟ ସୁରକ୍ଷା କମିଟିରେ ମନମୋହନ ସିଂହଙ୍କ ସମେତ ଗୁଲାମ ନବୀ ଆଜାଦ୍, ବୀରପ୍ପା ମୋଇଲି, ଭିନସେଣ୍ଟ ଏଚ୍ ପାଲା (ଆବାହକ) ଏବଂ ଭି. ବୈଥିଲିଙ୍ଗମ୍ ରହିଛନ୍ତି।
