ସୁପି୍ରମକୋର୍ଟରେ ରିପବ୍ଲିକ ଟିଭିର ଆବେଦନ ଖାରଜ
ସୁପି୍ରମକୋର୍ଟରେ ରିପବ୍ଲିକ ଟିଭିର ଆବେଦନ ଖାରଜ
admin
2761
ମୁମ୍ବାଇ: ଟିଆରପି ଦୁର୍ନୀତି ନେଇ ରିପବ୍ଲିକ ଟିଭି ବିରୋଧରେ ଆସିଥିବା ଅଭିଯୋଗର ସିବିଆଇ ତଦନ୍ତ ଦାବି କରି ରିପବ୍ଲିକ ଟିଭି ପକ୍ଷରୁ ସୁପି୍ରମକୋର୍ଟରେ ଏକ ପିଟିସନ ଦାଖଲ ହୋଇଥିଲା । କିନ୍ତୁ କୋର୍ଟ ଏହି ପିଟିସନକୁ ଶୁଣାଣି ପାଇଁ ଗ୍ରହଣ କଲେ ନାହିଁ । କୋର୍ଟ କହିଛନ୍ତି ଚ୍ୟାନେଲ ପକ୍ଷରୁ ପୂର୍ବରୁ ହାଇକୋର୍ଟରେ ଏକ ପିଟିସନ ଦାଖଲ ହୋଇଛି । ହାଇକୋର୍ଟରେ ଏହି ମାମଲାର ଶୁଣାଣି ହେବା ପୂର୍ବରୁ ଯଦି ଆମେ ଏହି ମାମଲାର ଶୁଣାଣି କରୁ ତେବେ ଏହା ବାର୍ତ୍ତା ଯିବ, ଆମେ ହାଇକୋର୍ଟଙ୍କ ଉପରେ ବିଶ୍ୱାସ କରୁନାହୁଁ । ତେଣୁ ଅନ୍ୟ ନାଗରିକଙ୍କ ପରି ଚ୍ୟାନେଲ ପ୍ରଥମେ ହାଇକୋର୍ଟ ଯିବା ଉଚିତ ବୋଲି ସୁପି୍ରମକୋର୍ଟ ଜଷ୍ଟିସ ଡିୱାଇ ଚନ୍ଦ୍ରଚୂଡ, ଇନ୍ଦୁ ମାଲହୋତ୍ରା ଏବଂ ଇନ୍ଦିରା ବାନାର୍ଜୀ ଖଣ୍ଡପୀଠ କରିଛନ୍ତି । ଏହା ପରେ ରିପବ୍ଲିକ ଟିଭି ପକ୍ଷରୁ ସୁପି୍ରମକୋର୍ଟରୁ ଆବେଦନକୁ ପ୍ରତ୍ୟାହାର କରି ନିଆଯାଇଛି । ଅନ୍ୟ ପକ୍ଷେ ମୁମ୍ବାଇ ପୁଲିସ ପକ୍ଷରୁ ରିପବ୍ଲିକ ଟିଭି ଦ୍ୱାରା ଦାଖଲ ହୋଇଥିବା ପିଟିସନକୁ ବିରୋଧ କରାଯାଇଛି । ଚ୍ୟାନେଲ ଦ୍ୱାରା ଉକ୍ତ ମାମଲାର ପୁଲିସ ତଦନ୍ତକୁ ପଣ୍ଡ କରିବା ପାଇଁ ଉଦ୍ୟମ ହେଉଛି ବୋଲି ମୁମ୍ବାଇ ପୁଲିସ ପକ୍ଷରୁ କୁହାଯାଇଛି । ମୁମ୍ବାଇ ପୁଲିସ ମଧ୍ୟ ସୁପି୍ରମକୋର୍ଟରେ ରାତିରେ ଅନ୍ୟ ଏକ ଅତିରିକ୍ତ ପିଟିସନ ଦାଖଲ କରିଥିଲା ।
