ସୁନ୍ଦରଗଡ଼ ବିଧାୟିକା ଉଠବସ୍ ଧମକ ଦେବା ଘଟଣା : ସ୍ୱତନ୍ତ୍ର ବୈଠକ ଡାକିଲେ ବ୍ଲକ ଅଧ୍ୟକ୍ଷା
ସୁନ୍ଦରଗଡ଼ ବିଧାୟିକା ଉଠବସ୍ ଧମକ ଦେବା ଘଟଣା : ସ୍ୱତନ୍ତ୍ର ବୈଠକ ଡାକିଲେ ବ୍ଲକ ଅଧ୍ୟକ୍ଷା
admin
2906
ହେମଗିର : ବୁଧବାର ଅନୁଷ୍ଠିତ ହେମଗିର ପଞ୍ଚାୟତ ସମିତି ବୈଠକରେ ସୁନ୍ଦରଗଡ଼ ବିଧାୟିକା କୁସୁମ ଟେଟେଙ୍କ ପ୍ରୋଟୋକଲ ଉଲ୍ଲଘଂନ ଓ ତାଙ୍କ କଥା ନ ମାନିଲେ ସରକାରୀ କର୍ମଚାରୀମାନଙ୍କୁ ଉଠବସ୍ କରାଇବେ ବୋଲି ଧମକ ଦେବା ଘଟଣାକୁ ନେଇ ଜିଲ୍ଲାର ରାଜନୈତିକ ମହଲରେ ଆଲୋଡ଼ନ ସୃଷ୍ଟି ହୋଇଛି । ଏ ନେଇ ହେମଗିରର ଜନପ୍ରତିନିଧିମାନଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଥିବା ବେଳେ ଆସନ୍ତା ୨୪ ତାରିଖରେ ସୋମବାର ଦିନ ପଞ୍ଚାୟତ ସମିତିର ଏକ ସ୍ୱତନ୍ତ୍ର ବୈଠକ ଡକାଯାଇଥିବା ଜଣାପଡ଼ିଛି । ଏଥିରେ ସମସ୍ତ ଜନପ୍ରତିନିଧି ଉପସ୍ଥିତ ରହିବାକୁ ବ୍ଲକ ଅଧ୍ୟକ୍ଷା ସୁଧାରାଣୀ ରାଉଡିଆ ନୋଟିସ ଜାରି କରିଛନ୍ତି । ଏହି ସ୍ୱତନ୍ତ୍ର ବେହଠକରେ ପଞ୍ଚାୟତ ସମିତି ବୈଠକରେ ବିଧାୟିକାଙ୍କର ଆଚରଣ ଓ ବ୍ୟବହାର ଉପରେ ବିଶେଷ ଭାବେ ଆଲୋଚନା କରାଯାଇ ତାଙ୍କ ବିରୋଧରେ ଏକ ନିନ୍ଦା ପ୍ରସ୍ତାବ ଆଗତ କରାଯିବ ବୋଲି ଶୁଣିବାକୁ ମିଳୁଛି ।
ଅପର ପକ୍ଷରେ ବିଧାୟିକା ଶ୍ରୀମତି ଟେଟେ ‘ଉଠବସ୍’ ଧମକ ପ୍ରସଙ୍ଗରେ ସଫେଇ ଦେଇ କହିଛନ୍ତି “ମୁଁ ଯେମିତି ପୂର୍ବରୁ ଜନସାଧାରଣଙ୍କ ଉନ୍ନତି ଓ ମଙ୍ଗଳ ପାଇଁ ଦିନରାତି ଉଠବସ ହୋଇ କାମ କରୁଥିଲି , ଏବେ ଜନସାଧାରଣ ମତେ ନିଜ ଜନପ୍ରତିନିଧି ଭାବେ ବାଛିବା ପରେ ଆଗକୁ ମୁଁ ସେପରି ଉଠବସ୍ ହୋଇ କାମ କରିବି ।” ଦାୟିତ୍ୱରେ ଥିବା ସରକାରୀ କର୍ମଚାରୀମାନେ ମଧ୍ୟ ଲୋକଙ୍କ ଉନ୍ନତି ଓ ବିକାଶ ପାଇଁ ଉଠ୍ବସ୍ ହୋଇ କାର୍ଯ୍ୟ କରିବାର ଆବଶ୍ୟକତା ରହିଛି ।
