ସାଧାରଣତନ୍ତ୍ର ଦିବସ ଆମନ୍ତ୍ରଣକୁ ସ୍ୱୀକାର କଲେ ବୋରିସ ଜନସନ
ସାଧାରଣତନ୍ତ୍ର ଦିବସ ଆମନ୍ତ୍ରଣକୁ ସ୍ୱୀକାର କଲେ ବୋରିସ ଜନସନ
admin
2590
ନୂଆଦିଲ୍ଲୀ : ୟୁକେର ପ୍ରଧାନମନ୍ତ୍ରୀ ବୋରିସ ଜନସନ ଆସନ୍ତା ସାଧାରଣତନ୍ତ୍ର ଦିବସ ପରେଡରେ ଉପସ୍ଥିତ ରହିବେ । ଭାରତ ପକ୍ଷରୁ କରାଯାଇଥିବା ଆମନ୍ତ୍ରଣକୁ ବ୍ରିଟେନ ପ୍ରଧାନମନ୍ତ୍ରୀ ସ୍ୱୀକାର କରିବା ସହିତ ସାଧାରଣତନ୍ତ୍ର ଦିବସରେ ମୁଖ୍ୟ ଅତିଥି ଭାବରେ ଯୋଗ ଦେବେ ବୋଲି ଜଣାପଡିଛି । ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ତରଫରୁ ଜନସନଙ୍କୁ ଆମନ୍ତ୍ରଣ ପ୍ରଦାନ କରାଯାଇଥିଲା । ଏହା ସହିତ ଦୀର୍ଘ ୨୭ ବର୍ଷ ପରେ ଜଣେ ଇଂଲଣ୍ଡ ପ୍ରଧାନମନ୍ତ୍ରୀ ପରେଡ କାର୍ୟ୍ୟକ୍ରମରେ ଯୋଗ ଦେବେ ।ଶେଷ ଥର ପାଇଁ ୧୯୯୩ ମସିହାରେ ଇଂଲଣ୍ଡ ପ୍ରଧାନମନ୍ତ୍ରୀ ଜନ ମେୟର ସାଧାରଣତନ୍ତ୍ର ଦିବସ ପରେଡରେ ଯୋଗ ଦେଇଥିଲେ ।
ନଭେମ୍ବର ୨୭ରେ ଉଭୟ ନେତାଙ୍କ ମଧ୍ୟରେ ହୋଇଥିବା ଟେଲିଫୋନ କଥାବାର୍ତ୍ତା ଅବସରରେ ମୋଦି ଜନସନଙ୍କୁ ସାଧାରଣତନ୍ତ୍ର ଦିବସ ପାଇଁ ଆମନ୍ତ୍ରଣ ଦେଇଥିଲେ ମୋଦି । ଆସନ୍ତା ବର୍ଷ ୟୁକେରେ ହେବାକୁ ଥିବା ଜି-୭ ଶିଖର ସମ୍ମିଳନୀରେ ଯୋଗ ଦେବା ପାଇଁ ମୋଦିଙ୍କୁ ଆମନ୍ତ୍ରଣ ଦେବା ପାଇଁ ଜନସନଙ୍କ ପକ୍ଷରୁ ଏହି ଫୋନ କରାଯାଇଥିଲା । ଉଭୟ ରାଷ୍ଟ୍ର ମଧ୍ୟରେ ଖାଦ୍ୟ, ପାନୀୟ, ଔଷଧ, ସୂଚନା ଏବଂ ପ୍ରଯୁକ୍ତି ବିଦ୍ୟାର ବ୍ୟବସାୟକୁ ଅବାଧମୁକ୍ତ କରିବା ପାଇଁ ଏହି ରାଜିନାମା ସ୍ୱାକ୍ଷରିତ ହୋଇଥିଲା । ତେବେ ବ୍ରିଟେନ ବର୍ତ୍ତମାନ ୟୁରୋପିଆନ ୟୁନିୟନରୁ ଓହରି ଯାଇଥିବାରୁ ଏହି ରାଜିନାମା ସମ୍ପର୍କରେ ଉଭୟ ନେତୃବୃନ୍ଦ ଆଲୋଚନା କରିବାର ସମ୍ଭାବନା ମଧ୍ୟ ରହିଛି ।
