ସରକାର ଏବେ ପିଲାଙ୍କୁ ବାଂଟିବେ ହାପିନେସ କିଟ
ସରକାର ଏବେ ପିଲାଙ୍କୁ ବାଂଟିବେ ହାପିନେସ କିଟ
admin
2630
ଭୁବନେଶ୍ୱର: ପୂର୍ବରୁ ସରକାର ପିଲାଙ୍କୁ ସ୍କୁଲ ଡ୍ରେସ, ଜୋତା, ମୋଜା ବାଂଟୁଥିବା ବେଳେ ଏବେ କିନ୍ତୁ ଏକ ନୂଆ ଯୋଜନା ଆରମ୍ଭ କରିଛନ୍ତି । ସରକାର ଏବେ ପିଲାଙ୍କୁ ହାପିନେସ କିଟ ବାଂଟିବା ପାଇଁ ସ୍ଥିର କରିଛନ୍ତି ।
ସ୍କୁଲ ପିଲାଙ୍କୁ ଦିଆଯିବ ହାପିନେସ କିଟ । ଯେଉଁଥିରେ ରହିଛି ପୁଷ୍ଟିକର ଖାଦ୍ୟ । ଏହି କିଟରେ ଅଟା, ଚଣା, ହଳଦୀ ଗୁଣ୍ଡ, ଡାଲଚିନ, ଚିନା ବାଦାମ ଓ ଗୁଡ ଭଳି ଇମୁ୍ୟନିଟି ବୁଷ୍ଟର ସାମଗ୍ରୀ ସହ ପେନ, ପେନସିଲ, ନୋଟ, ପ୍ୟଡ, ସାନିଟାରୀ ନାପକିନ, ଟୁଥପେଷ୍ଟ, ଆୟୋଡିନ ଯୁକ୍ତ ଲୁଣ ଓ ସାବୁନ ଆଦି ରହିବ । ଅକ୍ଷୟ ପାତ୍ର ଫାଉଣ୍ଡେସନ ପକ୍ଷରୁ ଖୋର୍ଦ୍ଧା ସମେତ କଟକ, ପୁରୀ, ନୟାଗଡ ଓ ସୁନ୍ଦରଗଡ ଜିଲାର ଛାତ୍ରଛାତ୍ରୀଙ୍କୁ ବଟଂନ କରାଯିବ । କୋଭିଡ ୧୯କୁ ଦୃଷ୍ଟିରେ ରଖି ଛାତ୍ରଛାତ୍ରୀଙ୍କୁ ଏହି କିଟ ଦେବାକୁ ନିଷ୍ପତି ହୋଇଛି । ଏବେ ସୁଦ୍ଧା ବେଙ୍ଗାଲୁରୁ, ହାଇଦ୍ରାବାଦ, ଥାନେ, ଜୟପୁର, ଲକ୍ଷ୍ନୌ, ଗୋହାଟୀ, ମାଙ୍ଗାଲୋର, ପୁନେ, ସୁରଟ, ଝାଲୱାର, ଯୋଧପୁର, ଭାଇଜାଗ ସହରର ୫ ଲକ୍ଷ ଛାତ୍ରଛାତ୍ରୀଙ୍କୁ ଏହି କିଟ ବଟଂନ ସରିଛି । ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ସୂଚନା ଅନୁଯାୟୀ, ହାପିନେସ କିଟ ବଟଂନ ଦ୍ୱାରା ଉକ୍ତ ୫ଟି ଜିଲ୍ଲ୍ଲାର ୧୯୧୬ ସ୍କୁଲର ୧ଲକ୍ଷ ୮୩ ହଜାର ଛାତ୍ରଛାତ୍ରୀ ଉପକୃତ ହେବେ । ଗୋଟିଏ ଥର ଲାଗି ଏହି କିଟ ଦିଆଯିବ । ଯେଉଁଥିରେ ଚାତ୍ରଛାତ୍ରୀଙ୍କ ଉପଯୋଗୀ ବିଭିନ୍ନ ସାମଗ୍ରୀ ରହିଛି । ସଂସ୍ଥା ପକ୍ଷରୁ ଦେଶର ବିଭିନ୍ନ ରାଜ୍ୟର ଛାତ୍ରଛାତ୍ରୀଙ୍କୁ ପୂର୍ବରୁ ଏହି କିଟ ବଟଂନ ସରିଛି । ଫାଉଣ୍ଡେସନ ପକ୍ଷରୁ ଫେବୃଆରୀ ପହିଲାରୁ ଏହି କିଟ ବଟଂନ ହେବ ।
ସୂଚନାଯୋଗ୍ୟଯେ, କେନ୍ଦ୍ର ଓ ରାଜ୍ୟ ସରକାରଙ୍କ ସହଭାଗିତାରେ ଅକ୍ଷୟ ପାତ୍ର ଫାଉଣ୍ଡେସନ ମଧ୍ୟାହ୍ନ ଭୋଜନ ଯୋଜନାରେ ଏବେ ଦେଶର ୯ଟି ରାଜ୍ୟର ୨୦ଟି ସ୍ଥାନରେ ୧.୬ ନିୟୁତ ପିଲାଙ୍କ ନିକଟରେ ଖାଦ୍ୟ ପହଁଚାଇ ପାରିଛି । ଏହି ଅନୁଷ୍ଠାନ ୧୦ ହଜାରରୁ ଅଧିକ ସରକାରୀ ବିଦ୍ୟାଳୟରେ ପିଲାଙ୍କୁ ଖାଦ୍ୟ ପ୍ରଦାନ କରୁଛି । ଏହାବ୍ୟତୀତ ଅଙ୍ଗନୱାଡିରେ ଖାଦ୍ୟ ପ୍ରଦାନ, ଗର୍ଭବତୀ ଏବଂ ସ୍ତନ୍ୟପାନ କରାଉଥିବାମା’ଙ୍କୁ ଖାଦ୍ୟ ଯୋଗାଣ, ସ୍ୱତନ୍ତ୍ର ବିଦ୍ୟାଳୟ ଗୁଡିକରେ ଖାଦ୍ୟ ଯୋଗାଣ, ଆର୍ଥିକ ଅନଗ୍ରସରଙ୍କ ପାଇଁ ରିହାତି ମୂଲ୍ୟରେ ମଧ୍ୟାହ୍ନଭୋଜନ, ଘର ଛାଡି ଚାଲି ଯାଇଥିବା ଶିଶୁଙ୍କ ପାଇଁ ଖାଦ୍ୟ ପ୍ରଦାନ ଆଦି ସମାଜସେବାମୂଳକ କାର୍ଯ୍ୟ କରୁଛି ।
