ସରକାରୀ ସ୍କୁଲରେ ନୂଆ ନିୟମ, ଏଣିକି ସ୍କୁଲ ଛୁଟି ସମୟରେ ହେବ ପ୍ରାର୍ଥନ ।
ସରକାରୀ ସ୍କୁଲରେ ନୂଆ ନିୟମ, ଏଣିକି ସ୍କୁଲ ଛୁଟି ସମୟରେ ହେବ ପ୍ରାର୍ଥନ ।
admin
4667
ଭୁବନେଶ୍ୱର : ରାଜଧାନୀରେ ଥିବା ସମସ୍ତ ପ୍ରାଥମିକ, ଉଚ୍ଚ ପ୍ରାଥମିକ ଓ ମାଧ୍ୟମିକ ବିଦ୍ୟାଳୟର ଛାତ୍ରଛାତ୍ରୀଙ୍କୁ ଶୃଙ୍ଖଳିତ କରିବା ପାଇଁ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି । ଏଣିକି ପ୍ରତିଦିନ ବିଦ୍ୟାଳୟରେ ଦୁଇ ଥର ପ୍ରାର୍ଥନା କରାଯିବ । ଏବେ ସକାଳ ୧୦ଟାରେ ଛାତ୍ରଛାତ୍ରୀ ବିଦ୍ୟାଳୟରେ ପହଞ୍ଚିବା ପରେ ପ୍ରାର୍ଥନା କରୁଛନ୍ତି । ତେବେ ଅପରାହ୍ନ ୪ଟାରେ ସ୍କୁଲ ଛୁଟି ସମୟରେ ବି ଛାତ୍ରଛାତ୍ରୀଙ୍କର ପାର୍ଥନା କରାଯିବ । ସ୍କୁଲ ଘଣ୍ଟି ବାଜିବା ପରେ ସମସ୍ତ ଛାତ୍ରଛାତ୍ରୀ କ୍ୟାମ୍ପସରେ ଏକାଠି ହୋଇ ପ୍ରାର୍ଥନା କରିବେ । ନ ହେଲେ ନିଜ ନିଜ ବିଷୟରେ ପଦେ ଲେଖାଏ କହିବେ । ଏହାଦ୍ୱାରା ପିଲାମାନେ ଶୃଙ୍ଖଳିତ ହେବା ସହ ସେମାନେ ସୁରକ୍ଷିତ ଭାବେ ଘରକୁ ଯାଇପାରିବେ ।
ବିଭାଗର ଜଣେ ଅଧିକାରୀ କହିଛନ୍ତି ଯେ ପ୍ରାରମ୍ଭିକ ଭାବେ ଭୁବନେଶ୍ୱରରେ ଏହାକୁ ଲାଗୁ କରାଯାଉଛି । ସଫଳତା ମିଳିବା ପରେ ସାରା ରାଜ୍ୟରେ ଲାଗୁ କରାଯିବ । କାରଣ ସ୍କୁଲ ଛୁଟି ହେବା ପରେ ପିଲାମାନେ ବ୍ୟାଗ ଧରି ଦୌଡ଼ୁଛନ୍ତି । କିଏ କେତେବେଳେ ଯାଉଛନ୍ତି ଜଣାପଡ଼ୁନି । ଅଧିକାଂଶ ସ୍କୁଲ ରାସ୍ତା ପାଶ୍ୱର୍ରେ ହୋଇଥିବାରୁ ଛାତ୍ରଛାତ୍ରୀ ଆଗପଛ ହୋଇ ଯିବା ଦ୍ୱାରା ଦୁର୍ଘଟଣା ହେବାର ଆଶଙ୍କା ରହୁଛି ।
