ସରକାରଙ୍କ କଡା ନିୟମ: ତାଲାବନ୍ଦ ନିୟମ ଭାଙ୍ଗିଲେ ୧ରୁ ୨ବର୍ଷ ଜେଲ୍
ସରକାରଙ୍କ କଡା ନିୟମ: ତାଲାବନ୍ଦ ନିୟମ ଭାଙ୍ଗିଲେ ୧ରୁ ୨ବର୍ଷ ଜେଲ୍
admin
2848
କରୋନା ଭୂତାଣୁକୁ ହରାଇବାକୁ ହେଲେ ସାମାଜିକ ଦୂରତ୍ବ ଓ ସଙ୍ଗରୋଧ ଏକମାତ୍ର ବାଟ ବୋଲି ସରକାର, ପୁଲିସ ସଚେତନ କରିକରି ଥକି ଗଲେଣି। କିନ୍ତୁ ମତେ ଯେତେ ମାଠିବୁ ମାଠ ମୁଁ ସେଇ ଦରପୋଡା କାଠ, ସେହିଭଳି ନ୍ୟାୟରେ ଲୋକେ ଅମାନିଆ। ପୁଲିସର କୋହଳ କାର୍ୟ୍ୟାନୁଷ୍ଠାନ ଯୋଗୁଁ ଲୋକେ ଆହୁରି ଅମାନିଆ ହେବାରେ ଲାଗିଛନ୍ତି। ମାମଲା ସଂଖ୍ୟା କମି ଆସୁଥିବା ବେଳେ ଏବେ ପୁଣି ହଠାତ୍ ବଢ଼ି ଯାଇଛି। ତେବେ ଏହାକୁ ନଜରରେ ରଖି ଲକଡାଉନ ନିୟମ ଉଲ୍ଲଙ୍ଘନକାରୀଙ୍କ ବିରୋଧରେ କଠୋର କାର୍ୟ୍ୟାନୁଷ୍ଠାନ ଲାଗି ସ୍ୱରାଷ୍ଟ୍ର ବିଭାଗ ସମସ୍ତ ରାଜ୍ୟ ସରକାରଙ୍କୁ ନିର୍ଦେଶ ଦେଇଛନ୍ତି। ନିୟମ ଉଲ୍ଲଙ୍ଘନକାରୀଙ୍କ ବିରୋଧରେ ବିପର୍ୟ୍ୟୟ ପରିଚାଳନା (ଡିଏମ୍) ଆଇନ ୨୦୦୫ ଓ ଆଇପିସି ଆଧାରରେ ମାମଲା ରୁଜୁ କରିବାକୁ କୁହାଯାଇଛି।
ସ୍ୱରାଷ୍ଟ୍ର ସଚିବ ଅଜୟ ଭାଲା ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରଙ୍କ ମୁଖ୍ୟ ସଚିବଙ୍କୁ ଲେଖିଥିବା ପତ୍ରରେ କହିଛନ୍ତି ଯେ ଲକଡାଉନ ନିୟମରେ କୌଣସି ପ୍ରକାର କୋହଳତା ପ୍ରଦର୍ଶନ କରାଯିବ ନାହିଁ। ସ୍ୱରାଷ୍ଟ୍ର ସଚିବ କହିଛନ୍ତି ଯେ ଲକଡାଉନ ଉଲ୍ଲଙ୍ଘନକାରୀଙ୍କ ବିରୋଧରେ ବିପର୍ୟ୍ୟୟ ପରିଚାଳନା ଆଇନର ଧାରା ୫୧ରୁ ୬୦ ଓ ଆଇପିସି ଧାରା ୧୮୮ ଅନୁଯାୟୀ ଦଣ୍ଡିତ କରାଯାଇପାରିବ। ଏହି ଧାରା ଅନୁଯାୟୀ ଜଣଙ୍କୁ ସର୍ବନିମ୍ନ ୧ବର୍ଷରୁ ୨ବର୍ଷ ପର୍ୟ୍ୟନ୍ତ ଜେଲ୍ ଦଣ୍ଡ ସହିତ ଜୋରିମାନା ଦଣ୍ଡରେ ଦଣ୍ଡିତ କରାଯାଇପାରିବ।
