ଶ୍ରୀମନ୍ଦିର ସେବାୟତମାନଙ୍କୁ ମିଳିବ ମାସ୍କ ।
ଶ୍ରୀମନ୍ଦିର ସେବାୟତମାନଙ୍କୁ ମିଳିବ ମାସ୍କ ।
admin
3157
ଶ୍ରୀମନ୍ଦିର ସେବାୟତମାନଙ୍କୁ ମାସ୍କ ପ୍ରଦାନ କରାଯିବ । ସେହିପରି ପ୍ରଥମ କିସ୍ତି ଭଳି ଦ୍ୱିତୀୟ କିସ୍ତି ବାବଦରେ ବି ୫ ହଜାର ଟଙ୍କା ଲେଖାଏଁ ମିଳିବ । ଏହି ସୂଚନା ଦେଇଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାର ।
ଶ୍ରୀମନ୍ଦିର ମୁଖ୍ୟ ପ୍ରଶାସକ କହିଛନ୍ତିଯେ, ସେବାୟତମାନଙ୍କ ସୁରକ୍ଷା ପ୍ରଶାସନର ଦାୟିତ୍ୱ । ସେବାୟତମାନଙ୍କୁ ୫ ହଜାର ମାସ୍କ ଯୋଗାଇ ଦିଆଯିବ । ବୟନିକା ଜରିଆରେ ମାସ୍କ ପ୍ରସ୍ତୁତ କରାଯିବ । ୨ ଦିନ ଭିତରେ ଏହାର ଡିଜାଇନ ପ୍ରସ୍ତୁତ କରାଯିବ ବୋଲି ସେ ପ୍ରକାଶ କରିଛନ୍ତି ।
ରଥଯାତ୍ରା ନେଇ ମଧ୍ୟ ପ୍ରାକ ପ୍ରସ୍ତୁତି ବୈଠକ ହୋଇଛି । ଠାକୁରଙ୍କ ନୀତିକାନ୍ତି କିଭଳି ହେବ ସେନେଇ ବିଶଦ ଆଲୋଚନା ହୋଇଛି । ଶ୍ରୀମନ୍ଦିର ବନ୍ଦ ହୋଇଥିବାରୁ ସେବାୟତମାନେ ଦକ୍ଷିଣା ପାଇବାରୁ ବଂଚିତ ହୋଇଛନ୍ତି । ଫଳରେ ସେମାନେ ଆର୍ଥିକ କ୍ଷତି ସହିଛନ୍ତି । ତେଣୁ ସେମାନଙ୍କୁ ପ୍ରଥମ କିସ୍ତିରେ ୫ ହଜାର ଟଙ୍କା ପ୍ରଦାନ କରାଯାଇଥିଲା । ଏବେ ଦ୍ୱିତୀୟ କିସ୍ତିରେ ଆଉ ୫ ହଜାର ଟଙ୍କା ପ୍ରଦାନ କରାଯିବ ।
