ଶିବସେନା ୩-୨ ଫର୍ମୂଲାରେ ରାଜି
ଶିବସେନା ୩-୨ ଫର୍ମୂଲାରେ ରାଜି
admin
2464
ନୂଆଦିଲ୍ଲୀ: ମହାରାଷ୍ଟ୍ରରେ ମୁଖ୍ୟମନ୍ତ୍ରୀ ପଦକୁ ନେଇ ବିଜେପି ଓ ଶିବସେନା ମଧ୍ୟରେ ଥିବା ମେଣ୍ଟ ଏକ ପ୍ରକାର ଭାଙ୍ଗି ଯାଇଥିବା ବେଳେ ଏବେ କିନ୍ତୁ କେନ୍ଦ୍ର ମନ୍ତ୍ରୀ ରାମଦାସ ଅଠୱଲେଙ୍କ ଦ୍ୱାରା ଦିଆଯାଇଥିବା ଏକ ବୟାନ ପୁଣି ଥରେ ଦୁଇ ଦଳ ହାତ ମିଳାଇବାର ସମ୍ଭାବନାକୁ ଉଜ୍ଜୀବିତ କରିଛି । ଅଠାୱଲେ କହିଛନ୍ତି ଯେ ଶିବସେନା ୩-୨ ଫର୍ମୂଲାରେ ରାଜି ହୋଇଯାଇଛି । ସେ ଶିବସେନାର ନେତା ସଞ୍ଜୟ ରାଉତଙ୍କୁ ଭେଟି ଏଭଳି ପ୍ରସ୍ତାବ ଦେଇଥିଲେ । ଏହି ପ୍ରସ୍ତାବ ଅନୁଯାୟୀ, ବିଜେପି ତିନି ବର୍ଷ ପାଇଁ ମୁଖ୍ୟମନ୍ତ୍ରୀ ପଦକୁ ନିଜ ପାଖରେ ରଖ୍ିବ ଏବଂ ବାକି ଦୁଇ ବର୍ଷ ଶିବସେନାର ନେତା ମୁଖ୍ୟମନ୍ତ୍ରୀ ହେବେ । ରାଉତ ଏହି ପ୍ରସ୍ତାବ ଉପରେ ତାଙ୍କୁ କହିଛନ୍ତି ଯେ ଯଦି ବିଜେପି ଏଥିରେ ରାଜି ହେବ, ତାହା ହେଲେ ତାଙ୍କ ଦଳ ଏହା ଉପରେ ବିଚାର କରିବ । ତେଣୁ ଏ ନେଇ ବିଜେପି ନେତାମାନଙ୍କ ସହ କଥା ହେବେ ବୋଲି ଅଠାୱଲେ ପ୍ରକାଶ କରିଛନ୍ତି । ଉଲ୍ଲେଖଯୋଗ୍ୟ ଯେ, ଶିବସେନା ପୂର୍ବରୁ ଦାବି କରୁଥିଲା କି ବିଜେପି ତାକୁ ଅଢେ଼ଇ ବର୍ଷ ମୁଖ୍ୟମନ୍ତ୍ରୀ ପଦ ଅକ୍ତିଆର କରିବାକୁ ସୁଯୋଗ ଦେଉ । କିନ୍ତୁ ବିଜେପି ଏଥିରେ ରାଜି ହୋଇନଥିଲା । ତେଣୁ ଦୁଇ ଦଳ ଭିତରେ ମେଣ୍ଟ ଭାଙ୍ଗି ଯାଇଥିଲା । ଆଉ ତା’ପରେ ଶିବସେନା ମୁଖ୍ୟମନ୍ତ୍ରୀ ପଦ ପାଇବା ଆଶାରେ କଂଗ୍ରେସ ଏବଂ ଏନସିପି ସହ ମିଶି ସରକାର ଗଢ଼ିବାକୁ ଉଦ୍ୟମ କରୁଛି ।
