ଲାଇସେନ୍ସ ପ୍ରଦାନ ପ୍ରକି୍ରୟା ହେବ କଠୋର
ଲାଇସେନ୍ସ ପ୍ରଦାନ ପ୍ରକି୍ରୟା ହେବ କଠୋର
admin
3648
କଟକ: ଡ୍ରାଇଭିଂ ଲାଇସେନ୍ସ ପ୍ରଦାନ ପ୍ରକି୍ରୟା ଏଣିକି ଅଧିକ କଠୋର ହେବ । ଲାଇସେନ୍ସ ପ୍ରଦାନରେ ଯେମିତି କୌଣସି କୋହଳ କିମ୍ବା ଅନିୟମିତତା ନ ହୁଏ ତାର ତଦାରଖ ପାଇଁ ପ୍ରତ୍ୟେକ ଆରଟିଓରେ ଲର୍ଣ୍ଣିଂ ଲାଇସେନ୍ସ (ଏଲଏଲ) ପରୀକ୍ଷା କେନ୍ଦ୍ରରେ ସିସିଟିଭି କ୍ୟାମେରା ଲଗାଯିବ । ଆସନ୍ତା ଡିସେମ୍ବର ସୁଦ୍ଧା ଏହି କାର୍ଯ୍ୟ ଶେଷ ହେବ । ଏଥିସହ ଲର୍ଣ୍ଣିଂ ଲାଇସେନ୍ସ ପାଇଁ ଆବେଦନକାରୀମାନେ ଟଚସ୍କିନ କମ୍ପୁ୍ୟଟରରେ ପରୀକ୍ଷା ଦେବେ ବୋଲି ରାଜ୍ୟ କମିସନର କର୍ତ୍ତୃପକ୍ଷ (ଏସଟିଏ) ପକ୍ଷରୁ ଜାରି ବିଜ୍ଞପ୍ତିରେ କୁହାଯାଇଛି । ବିଜ୍ଞପ୍ତିରେ କୁହାଯାଇଛି ଯେ ରାଜ୍ୟର ୩୮ଟି ଆଞ୍ଚଳିକ ପରିବହନ କାର୍ଯ୍ୟାଳୟ (ଆରଟିଓ) ରେ ସିସିଟିଭି କ୍ୟାମେରା ଲଗାଯିବ । ଏହାର ଭିଡିଓ ଫୁଟେଜ ଏସଟିଏ ଦ୍ୱାରା ପରିଚାଳିତ କରାଯିବ । ଏହା ଦ୍ୱାରା ପରୀକ୍ଷାରେ ସ୍ୱଚ୍ଛତା ବଜାୟ ରହିବ ବୋଲି ଏସଟିଏ ପକ୍ଷରୁ ଆଶାବ୍ୟକ୍ତ କରାଯାଇଛି । କଟକ ଆରଟିଓ କେନ୍ଦ୍ରରେ ଏଲଏଲ ଟେଷ୍ଟ ପାଇଲଟ ବେସିସରେ ପବ୍ଲିକ ଡୋମେନରେ ରହିବ । ଯାହା ଦ୍ୱାରା ଜଣେ ବ୍ୟକ୍ତି ଘରେ ବସି ମଧ୍ୟ ଏଲଏଲ ଟେଷ୍ଟରେ ଅନ୍ୟ ଜଣେ ବ୍ୟକ୍ତି କଣ ପାଇଁ ବିଫଳ ହେଲେ ତାହା ଜାଣିପାରିବେ । ପୂର୍ବରୁ ଏଲଏଲ ପରୀକ୍ଷା ପାଇଁ ୧୦ଟି ପ୍ରଶ୍ନ ରହିଥିଲା ବେଳେ ଏବେ ତାହାକୁ ୨୦କୁ ବୃଦ୍ଧି କରାଯାଇଛି । ପ୍ରତ୍ୟେକ ପରୀକ୍ଷାର୍ଥୀ ଏଲଏଲ ପରୀକ୍ଷା ଦେଉଥିବା ବେଳେ ମାଉସ ବ୍ୟବହାର କରିବାରେ ସମସ୍ୟା ସାମ୍ନା କରୁଥିଲେ । ସେଥିପାଇଁ ଏଣିକି ମାଉସ ବ୍ୟବହାର ନ କରି ପରୀକ୍ଷାର୍ଥୀମାନେ ଟଚସ୍କି୍ରନ କମ୍ପୁ୍ୟଟରରେ ପରୀକ୍ଷା ଦେବେ । ଆସନ୍ତା ୨୦୨୧ ମାର୍ଚ୍ଚ ସୁଦ୍ଧା ଟଚସ୍କି୍ରନ କମ୍ପୁ୍ୟଟର ପ୍ରତ୍ୟେକ ଆରଟିଓରେ ରହିବ । ପ୍ରତ୍ୟେକ ଆରଟିଓରେ ଥିବା କିଓସ୍କୋରରେ ଏଲଏଲ ପରୀକ୍ଷା ଦେବା ପୂର୍ବରୁ ପରୀକ୍ଷାର୍ଥୀମାନେ ମକ ଟେଷ୍ଟ (ଅଭ୍ୟାସ ପରୀକ୍ଷା) କରିପାରିବେ ।
