ରାଜ୍ୟ ସରକାର ବରିଷ୍ଠ ଓଏଏସ ସ୍ତରରେ ଅଦଳ ବଦଳ
ରାଜ୍ୟ ସରକାର ବରିଷ୍ଠ ଓଏଏସ ସ୍ତରରେ ଅଦଳ ବଦଳ
admin
4091
ଭୁବନେଶ୍ୱର: ରାଜ୍ୟ ସରକାର ବରିଷ୍ଠ ଓଏଏସ ସ୍ତରରେ ଅଦଳ ବଦଳ କରିଛନ୍ତି । ସାଧାରଣ ପ୍ରଶାସନ ବିଭାଗର ଅତିରିକ୍ତ ଶାସନ ସଚିବ ଇନ୍ଦ୍ରମଣି ତି୍ରପାଠୀଙ୍କୁ ସୂଚନା ଓ ଲୋକ ସମ୍ପର୍କ ବିଭାଗର ନୂଆ ନିଦେ୍ର୍ଧଶକ ଭାବେ ନିଯୁକ୍ତି କରାଯାଇଛି । ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗର ଅତିରିକ୍ତ ଶାସନ ସଚିବ ମନୋଜ କୁମାର ମହାନ୍ତିଙ୍କୁ ସାଧାରଣ ପ୍ରଶାସନର ବିଭାଗର ଅତିରିକ୍ତ ଶାସନ ସଚିବ ଭାବେ ଅବସ୍ଥାପିତ କରାଯାଇଛି । ଏମାନଙ୍କ ସମେତ ୬ ଜଣ ବରିଷ୍ଠ ଓଏଏସ ଅଧିକାରୀଙ୍କୁ ବଦଳି କରାଯାଇ ନୂଆ ନିଯୁକ୍ତି ଦିଆଯାଇଛି । ଏ ନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । କାରାଗାର ନିଦେ୍ର୍ଧଶାଳୟରେ ଅତିରିକ୍ତ ଆଇଜି (ପ୍ରିଜିନ) ଥିବା ତୁଷାର କାନ୍ତ ମହାନ୍ତିଙ୍କୁ କଟକ ସ୍ଥିତ ଜମିଜମା ରେକର୍ଡ ଓ ସର୍ବେକ୍ଷଣ ସଂସ୍ଥାର ନିଦେ୍ର୍ଧଶକ ଭାବେ ନିଯୁକ୍ତ ମିଳିଛି । ପୂରା ମୁ୍ୟନିସିପାଲଟି କାର୍ଯ୍ୟନିର୍ବାହୀ ଅଧିକାରୀ ଭାବେ କାର୍ଯ୍ୟରତ ବିଜୟ କୁମାର ଦାଶଙ୍କୁ ଇଡକୋ ମୁଖ୍ୟ ମହାପ୍ରବନ୍ଧକ (ଜମି) ଭାବେ ଅବସ୍ଥାପିତ କରାଯାଇଛି । ନବରଙ୍ଗପୁର ଗ୍ରାମ୍ୟ ଉନ୍ନୟନ ସଂସ୍ଥାର ଅତିରିକ୍ତ ପ୍ରକଳ୍ପ ନିଦେ୍ର୍ଧଶକ ଥିବା ରତ୍ନାକର ସାହୁଙ୍କୁ ନବରଙ୍ଗପୁରର ଅତିରିକ୍ତ ଜିଲ୍ଲାପାଳ ଦାୟିତ୍ୱ ଦିଆଯାଇଥିବା ବେଳେ ପୁରୀ ମୁ୍ୟନିସିପାଲଟିର ଅତିରିକ୍ତ କାର୍ଯ୍ୟନିର୍ବାହୀ ଅଧିକାରୀ ଭାବେ କାର୍ଯ୍ୟରତ ସରୋଜ କୁମାର ସ୍ୱାଇଁଙ୍କୁ ସେହିଠାରେ କାର୍ଯ୍ୟନିର୍ବାହୀ ଅଧିକାରୀ ପଦରେ ଅବସ୍ଥାପିତ କରାଯାଇଛି ।
