ମୋ ପରିବାରରୁ କେହି ରାଜନୀତିକୁ ଆସିବେ ନାହିଁ: ନବୀନ

May 28, 2019 - 05:26 Updated: May 28, 2019 - 05:26

3935

ମୋ ପରିବାରରୁ କେହି ରାଜନୀତିକୁ ଆସିବେ ନାହିଁ: ନବୀନ

ଭୁବନେଶ୍ୱର: ବିଜେଡିର ଉତରାଧିକାରୀ ନେଇ ମତ ରଖିଲେ ନବୀନ ପଟ୍ଟନାୟକ । ଏକ ଇଂରାଜୀ ଦୈନିକ ଖବରକାଗଜକୁ ସାକ୍ଷାତକାରଦେଇ ନବୀନ କହିଛନ୍ତି ଯେ, ମୋ ପରିବାରରୁ କେହି ବି ରାଜନୀତିକୁ ଆସିବେ ନାହିଁ । ଲୋକେ ସେମାନଙ୍କ ନେତା ବାଛିବେ। ନବୀନ ପଟ୍ଟନାୟକ ଗତକାଲି ମଧ୍ୟ ଏକ ଇଂରାଜୀ ନ୍ୟୁଜଚାନେଲକୁ ସାକ୍ଷାତକାର ଦେଇ ଏ ସଂପର୍କରେ ମତ ରଖିଥିଲେ ନବୀନ । ସେ କହିଥିଲେ ବିଜେଡିରୁ ହିଁ ହେବେ ପରବର୍ତ୍ତୀ ଉତ୍ତାରାଧିକାରୀ। ଲୋକେ ହିଁ ତାଙ୍କ ଉତ୍ତରାଧିକାରୀ ବାଛିବେ। ତେବେ ପରିବାରରୁ କେହି ରାଜନୀତିକୁ ଆସିବେ ନାହିଁ ବୋଲି ନବୀନଙ୍କ ଆଜିର ପ୍ରତିକ୍ରିୟା ପରେ ତାଙ୍କ ପୁତୁରା ଅରୁଣ ପଟ୍ଟନାୟକଙ୍କ ରାଜନୀତିକୁ ଆସିବା ନେଇ କଳ୍ପନାକଳ୍ପନାରେ ଏକ ପ୍ରକାର ପୂର୍ଣ୍ଣଛେଦ ପଡିଛି। ନବୀନଙ୍କ କହିବା ଅନୁଯାୟୀ ବିଜେଡିରୁ କିଏ ହେବେ ଉତ୍ତରାଧିକାରୀ ସେନେଇ ସ୍ପଷ୍ଟ ହୋଇନାହିଁ। ଚଳିତ ନିର୍ବାଚନରେ ମୁଖ୍ୟମନ୍ତ୍ରୀ ଉଭୟ ହିଞ୍ଜିଳି ଏବଂ ବିଜେପୁରରୁ ନିର୍ବାଚନ ଲଢି ବିଜୟ ହୋଇଛନ୍ତି। ତେବେ କେଉଁ ଆସନ ସେ ଛାଡିବେ ତାହା ସ୍ଥିର ହୋଇନଥିବା ନବୀନ କହିଛନ୍ତି ।