ମେ’ ୧୫ ଯାଏ ଶ୍ରୀମନ୍ଦିରରେ ଦର୍ଶନ ବନ୍ଦ

Apr 24, 2021 - 08:17 Updated: Apr 24, 2021 - 08:17

3999

ଭୁବନେଶ୍ୱର:ଭକ୍ତଙ୍କ ପାଇଁ ଶ୍ରୀମନ୍ଦିରରେ ଲାଗିଲା କଟକଣା । ମେ ୧୫ ତାରିଖ ଯାଏ ଶ୍ରୀମନ୍ଦିରରେ ଦର୍ଶନ ବନ୍ଦ ରହିବ । ଏନେଇ ଶ୍ରୀମନ୍ଦି ପ୍ରଶାସନ ପକ୍ଷରୁ ଟ୍ୱିଟ୍ ମାଧ୍ୟମରେ ସୂଚନା ଦେଇଛନ୍ତି । ଭକ୍ତଙ୍କ ପାଇଁ ଶ୍ରୀମନ୍ଦିର ବନ୍ଦ କରିବାକୁ ସେବାୟତମାନେ ପ୍ରସ୍ତାବ ଦେଇଛନ୍ତି । ଆଜି ଭର୍ଚୁଆଲ ମାଧ୍ୟମରେ ବସିଥିବା ବୈଠକରେ ଶ୍ରୀମନ୍ଦିର ସେବାୟତ ମାନେ ଏହି ପ୍ରସ୍ତାବ ଦେଇଛନ୍ତି । ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ସହ ବୈଠକରେ ସେବାୟତ ଆହୁରି ଅନେକ ପ୍ରସ୍ତାବ ଦେଇଛନ୍ତି । ପ୍ରସ୍ତାବ ଦେଲେ ଛତିଶା ନିଯୋଗର ସମସ୍ତ ସେବାୟତ । କରୋନା ସଂକ୍ରମଣ ବଢୁଥିବାରୁ ସାଧାରଣ ଦର୍ଶନ ବନ୍ଦ ରଖିବାକୁ ଦାବି କରାଯାଇଛି । ବିନା ଭକ୍ତରେ ମହାପ୍ରଭୁଙ୍କ ନୀତିକାନ୍ତି ପାଇଁ ସେବାୟତ ମାନେ ପ୍ରସ୍ତାବ ଦେଇଛନ୍ତି । ଗତବର୍ଷ ଭଳି ସେବାୟତଙ୍କୁ କୋଭିଡ୍ କ୍ଷତିପୂରଣ ପ୍ରଦାନ କରିବାକୁ ମଧ୍ୟ ଦାବି କରାଯାଇଛି । ଗତଥର ଅପେକ୍ଷା ପ୍ରାପ୍ୟ ପାଉଣା ବୃଦ୍ଧି କରିବାକୁ ଦାବି କଲେ ସେବାୟତ ।