ମିଶିଲା ୧୦ଟି ରାଷ୍ଟ୍ରୀୟ ବ୍ୟାଙ୍କ।
ମିଶିଲା ୧୦ଟି ରାଷ୍ଟ୍ରୀୟ ବ୍ୟାଙ୍କ।
admin
3957
ନୂଆଦିଲ୍ଲୀ: ଏପ୍ରିଲ ପହିଲା ଅର୍ଥାତ ଆଜିଠାରୁ ଦେଶର ରାଷ୍ଟ୍ରାୟତ୍ତ ବ୍ୟାଙ୍କ ଗୁଡ଼ିକର ମହାମିଶ୍ରଣ ଘଟିବାକୁ ଯାଉଛି । ଏହି ଅନୁଯାୟୀ ୧୦ ରାଷ୍ଟ୍ରାୟତ୍ତ ବ୍ୟାଙ୍କର ମିଶ୍ରଣ ହେବ । ଉକ୍ତ ୧୦ ରାଷ୍ଟ୍ରାୟତ୍ତ ବ୍ୟାଙ୍କର ମିଶ୍ରଣ ଘଟି ଦେଶରେ ୪ ବୃହତ ବ୍ୟାଙ୍କର ଗଠନ ହେବ । ମିଶ୍ରଣ ଘଟିବାକୁ ଯାଉଥିବା ବ୍ୟାଙ୍କର ଗ୍ରାହକମାନେ ନୂଆ ବୃହତ ବ୍ୟାଙ୍କର ଗ୍ରାହକ ଭାବେ ବିବେଚିତ ହେବେ । ଭାରତୀୟ ଷ୍ଟେଟ ବ୍ୟାଙ୍କ ଏହାର ୫ ସହଯୋଗୀ ବ୍ୟାଙ୍କ ସହ ମହିଳା ବ୍ୟାଙ୍କକୁ ଅଧିଗ୍ରହଣ କରିବା ପରେ ୨୦୧୭ ରେ ଦେଶରେ ସମୁଦାୟ ରାଷ୍ଟ୍ରାୟତ୍ତ ବ୍ୟାଙ୍କ ସଂଖ୍ୟା ୨୭ ରେ ରହିଥିଲା । ତେବେ ୨୦୧୯ ରେ ବିଜୟା ବ୍ୟାଙ୍କ ଏବଂ ଦେନା ବ୍ୟାଙ୍କର ବ୍ୟାଙ୍କ ଅଫ ବରୋଦା (ବିଓବି) ସହ ମିଶ୍ରଣ ଘଟିଥିଲା । ସେତେବେଳେ ବିଓବି ହୋଇଥିଲା ଦେଶର ତୃତୀୟ ବୃହତ ବ୍ୟାଙ୍କ ।
ବୁଧବାର ପଞ୍ଜାବ ନ୍ୟାସନାଲ ବ୍ୟାଙ୍କ (ପିଏନବି) ସହ ଓରିଏଣ୍ଟାଲ ବ୍ୟାଙ୍କ ଅଫ କମର୍ସ ଏବଂ ୟୁନାଇଟେଡ ବ୍ୟାଙ୍କ ଅଫ ଇଣ୍ଡିଆର ମିଶ୍ରଣ ଘଟିବ । ଏହା ଫଳରେ ପିଏନବି ହେବ ଦେଶର ଦ୍ୱିତୀୟ ବୃହତ ବ୍ୟାଙ୍କ । ଏସବିଆଇ ପୂର୍ବ ଭଳି ଦେଶର ବୃହତ ବ୍ୟାଙ୍କର ମାନ୍ୟତା ରଖିବ । ସୋମବାର ପିଏନବି ପକ୍ଷରୁ ଏହାର ନୂଆ ଲୋଗୋ ଉନ୍ମୋଚନ କରାଯାଇଛି । ସେହିଭଳି କାନାରା ବ୍ୟାଙ୍କ ଏବଂ ସିଣ୍ଡିକେଟ ବ୍ୟାଙ୍କର ମିଶ୍ରଣ ଘଟି ୪ର୍ଥ ବ୍ୟାଙ୍କ ଗଠିତ ହେବ । ଆନ୍ଧ୍ରବ୍ୟାଙ୍କ ଓ କର୍ପୋରେସନ ବ୍ୟାଙ୍କର ୟୁନିୟନ ବ୍ୟାଙ୍କ ସହ ମିଶ୍ରଣ ଘଟିବ । ଅନ୍ୟ ପକ୍ଷରେ ଆହ୍ଲାବାଦ ବ୍ୟାଙ୍କ ସହ ମିଶ୍ରଣ ଘଟି ଇଣ୍ଡିଆନ ବ୍ୟାଙ୍କ ହେବ ଦେଶର ୭ମ ବୃହତ ବ୍ୟାଙ୍କ । ସୂଚନା ଯୋଗୁଁ ୨୦୧୯ ଅଗଷ୍ଟରେ କେନ୍ଦ୍ର କ୍ୟାବିନେଟ ଏହି ସବୁ ରାଷ୍ଟ୍ରାୟତ୍ତ ବ୍ୟାଙ୍କର ମିଶ୍ର ଓ ଘୋଷଣା କରିଥିଲେ ।
