ମାର୍ଚ୍ଚ ୧୫ରେ ବରଗଡ଼ ଆସିବେ ରାହୁଲ

Mar 11, 2019 - 07:50 Updated: Mar 11, 2019 - 07:50

1979

ଭୁବନେଶ୍ୱର : ମାର୍ଚ୍ଚ ୧୫ରେ ଏଆଇସିସି ସଭାପତି ରାହୁଲ ଗାନ୍ଧୀ ବରଗଡ଼ ଆସିବେ । ବରଗଡ଼ରେ ଆୟୋଜିତ ହେବାକୁ ଥିବା ସାଧାରଣ ସଭାରେ ଉଦବୋଧନ ଦେବେ । ଏନେଇ ଏଆଇସିସି ପକ୍ଷରୁ ସ୍ପଷ୍ଟ କରାଯାଇଛି । ମାର୍ଚ୍ଚ ୧୫ ଦିନ ୧୨ଟାରେ ରାହୁଲ ରାୟପୁରରୁ ବରଗଡ଼ ଅଭିମୁଖେ ଗସ୍ତ କରିବେ । ଦିନ ୧ଟାରୁ ୨ଟା ୧୫ ପର୍ଯ୍ୟନ୍ତ ରାହୁଲ ସମାବେଶ ସ୍ଥଳରେ ଉପସ୍ଥିତ ରହିବେ । ୨ଟା ୧୫ରେ ସେ ବରଗଡ଼ରୁ ରାୟପୁର ଅଭିମୁଖେ ଯିବେ ବୋଲି ଜାଣିବାକୁ ମିଳିଛି । ସୂଚନାଯୋଗ୍ୟଯେ, କଂଗ୍ରେସକୁ ସକ୍ରିୟ କରିବା ପାଇଁ ରାହୁଲ ଗାନ୍ଧୀ ଓଡ଼ିଶା ଉପରେ ଫୋକସ କରୁଛନ୍ତି । ପୂର୍ବରୁ ଭୁବନେଶ୍ୱର ଓ ଜୟପୁରରେ ରାହୁଲ ସମାବେଶ କରିଥିଲେ । ଉପକୂଳ ଓଡ଼ିଶା ଓ ଦକ୍ଷିଣ ଓଡ଼ିଶା ପରେ ଏବେ ପଶ୍ଚିମ ଓଡ଼ିଶା ଉପରେ କଂଗ୍ରେସ ଗୁରୁତ୍ୱାରୋପ କରୁଛି । ରାହୁଲଙ୍କ ଗସ୍ତ କାର୍ଯ୍ୟସୂଚୀ ମିଳିବା ପରେ କଂଗ୍ରେସ ଶିବିର ଚଳଚଂଚଳ ହୋଇପଡ଼ିଛି ।