ମାଟ୍ରିକ୍ ପରୀକ୍ଷା ଦେବାକୁ ଯାଇ ଛାତ୍ର ନିଖୋଜ
admin
ଦଶପଲ୍ଲା : ଦଶପଲ୍ଲା ଉଚ୍ଚ ବିଦ୍ୟାଳୟକୁ ପରୀକ୍ଷା ଦେବାକୁ ଯାଇଥିବା ଛାତ୍ର ନିଖୋଜ। ଦଶପଲ୍ଲା ଏନଏସି ଅନ୍ତର୍ଗତ କୃଷ୍ଣଚନ୍ଦ୍ରପୁର୍ ପାଟଣା ଗ୍ରାମର ପ୍ରମୋଦ ନାୟକଙ୍କ ପୁଅ ପ୍ରଦୀପ ନାୟକ କେଉଁଆଡ଼େ ନିଖୋଜ ହୋଇଯାଇଛନ୍ତି। ୟୁନିଫର୍ମରେ ଆସିନଥିବାରୁ ପରୀକ୍ଷା ଦେଇ ପାରିବ ନାହିଁ ବୋଲି ଶିକ୍ଷକ ମନା କରିଥିଲେ। ଏହାପରେ ପ୍ରଦୀପ କେଉଁଆଡ଼େ ଚାଲିଯାଇଛନ୍ତି।
ସୂଚନାନୁଯାୟୀ, ଦଶପଲ୍ଲା ଏନଏସି ଅନ୍ତର୍ଗତ କୃଷ୍ଣଚନ୍ଦ୍ରପୁର୍ ପାଟଣା ଗ୍ରାମର ପ୍ରମୋଦ ନାୟକଙ୍କ ପୁଅ ପ୍ରଦୀପ ନାୟକ (୧୬ ବର୍ଷ)ମେଟ୍ରିକ୍ ପରୀକ୍ଷା ଦେବା ପାଇଁ ଦଶପଲ୍ଲା ଉଚ୍ଚବିଦ୍ୟାଳୟକୁ ଯାଇଥିଲେ। ସେ ଧଳା ସାର୍ଟ ପିନ୍ଧିଥିବା ବେଳେ କଳା ରଙ୍ଗର ଜିନ୍ସ୍ ପ୍ୟାଣ୍ଟ ପିନ୍ଧି ଥିବାରୁ ୟୁନିଫର୍ମ ପୋଷାକରେ କାହିକିଁ ଆସିନାହଁଟ୍ଟ ସେଥିପାଇଁ ପରୀକ୍ଷା ଦେଇପାରିବ ନାହିଁ ବୋଲି ମନା କରି ଦେଇଥିଲେ ଶିକ୍ଷକ। ଏହାପରେ ପ୍ରଦୀପ ଏବେ ଯାଏଁ କେଉଁଆଡ଼େ ନିଖୋଜ ହୋଇଥିବା ବେଳେ ଦଶପଲ୍ଲା ଥାନାରେ ତାଙ୍କ ମା ଲିଖିତ ଅଭିଯୋଗ କରିଛନ୍ତି। ତେବେ ଛାତ୍ରଙ୍କୁ ପରିବାର ବର୍ଗ ବିଭିନ୍ନ ସ୍ଥାନରେ ଖୋଜାଖୋଜି ଜାରି ରଖିଛନ୍ତି। ଦଶପଲ୍ଲା ପୋଲିସ ପକ୍ଷରୁ ଏକ ମାମଲା ରୁଜୁ କରି ଘଟଣାର ଅନୁସନ୍ଧାନ ଜାରି ରଖିଥିବା ଜଣାଯାଇଛି।
