ଭୁବନେଶ୍ୱରରେ ପହଞ୍ଚିଲା କୋରନା ଟିକା
ଭୁବନେଶ୍ୱରରେ ପହଞ୍ଚିଲା କୋରନା ଟିକା
admin
3307
ଭୁବନେଶ୍ୱର:କରୋନା କାଳରେ ଆସିଲା ସବୁଠାରୁ ବଡ ଖୁସି ଖବର । ଭୁବନେଶ୍ୱରରେ ପହଞ୍ଚିଲା କରୋନା ଟିକା କୋଭିସିଲ୍ଡ । ସ୍ୱତନ୍ତ୍ର ବିମାନ ଯୋଗେ ପୁଣେରୁ ଭୁବନେଶ୍ୱର ଟିକା ଆସିଲା । ପୁଣେର ସେରମ ଇନଷ୍ଟିଚୁ୍ୟଟରୁ କୋଭିସିଲ୍ଡ ଟିକା ଆସିଲା । ସ୍ପାଇସ ଜେଟ୍ ବିମାନରେ ୪ ଲକ୍ଷ ୮ ହଜାର ଡୋଜ୍ ଟିକା ଆସିଛି । ରାଜ୍ୟ ଟିକା ସଂଗ୍ରହାଳୟରେ କୋଭିସିଲ୍ଟ ଟିକା ରହିବ । ବିମାନବନ୍ଦରରୁ ରାଜ୍ୟ ଟିକାକରଣ କେନ୍ଦ୍ର ଅଭିମୁଖେ ଟିକା ଭ୍ୟାନ ଯାଉଛି । ସୁରକ୍ଷା ବ୍ୟବସ୍ଥା ଭିତରେ ଟିକା ଗୁଡ଼ିକୁ ଏୟାରପୋର୍ଟରୁ ରାଜ୍ୟ ଭ୍ୟାକ୍ସିନ ସେଣ୍ଟରକୁ ନିଆଯାଇଛି। ଟିକା ପହଞ୍ଚିବା ପରେ ସମଗ୍ର ରାଜ୍ୟରେ ଟିକା ବିତରଣ କରିବ ସ୍ୱାସ୍ଥ୍ୟ ବିଭାଗ।
ଆସନ୍ତା ୧୬ରୁ ସାରା ଦେଶରେ କରୋନା ଟିକାକରଣ ଆରମ୍ଭ ହେବ । ପୁଣେ ଅନ୍ତର୍ଜାତୀୟ ବିମାନ ବନ୍ଦରରୁ ୧୩ଟି ସହରକୁ ଟିକା ବିତରଣ ଆରମ୍ଭ ହୋଇଛି । ପ୍ରଥମ ଦଫାରେ ୧୩ଟି ସହରକୁ ୫୬.୫ ଲକ୍ଷ ଡୋଜର ଟିକା ପଠାଯିବ । ରାଜ୍ୟରେ ସମୁଦାୟ ୪ ଲକ୍ଷ ୮ ହଜାର ଡୋଜ୍ ଟିକା ବର୍ତ୍ତମାନ ପହଞ୍ଚିଛି। ଆଜି ଯେତିକି ଟିକା ଆସିଛି ତାହା ୧ ଲକ୍ଷ ୯୧ହଜାର ସ୍ୱାସ୍ଥ୍ୟ କର୍ମୀଙ୍କୁ ଦିଆଯାଇପାରିବ । ପ୍ରଥମ ପର୍ଯ୍ୟାୟ ଟୀକାକରଣ ଲାଗି ବୟସ୍କ, ସ୍ୱାସ୍ଥ୍ୟକର୍ମୀ ଓ ଆଗଧାଡ଼ିର କର୍ମଚାରୀଙ୍କୁ ପ୍ରାଧାନ୍ୟ ଦିଆଯିବ । ଯେଉଁମାନଙ୍କୁ ଟିକା ଦିଆଯିବ ସେମାନଙ୍କୁ ପାଖକୁ ମେସେଜ ଯିବ । ଯେଉଁ ସବୁ ଜିଲ୍ଲାରେ କୋଭିଡ ସ୍ଥିତି ସଙ୍ଗୀନ ଥିଲା ସେ ସ୍ଥାନକୁ ଗୁରୁତ୍ୱ ଦିଆଯିବ । ଏହା ସହ ୨୦ହଜାର କୋଭାକ୍ସିନ ଟିକା ରାଜ୍ୟକୁ ଆସୁଥିବା କେନ୍ଦ୍ର ସରକାର ଜଣାଇଛନ୍ତି ।
