ବିଦ୍ୟାଶ୍ରୀଙ୍କ ଲାଏ ଡିଟେକ୍ସନ ଟେଷ୍ଟ ପାଇଁ ଆବେଦନ
ବିଦ୍ୟାଶ୍ରୀଙ୍କ ଲାଏ ଡିଟେକ୍ସନ ଟେଷ୍ଟ ପାଇଁ ଆବେଦନ
admin
5362
ଭୁବନେଶ୍ୱର: ବହୁ ଚର୍ଚ୍ଚିତ ସମାଜସେବୀ ଆଦିତ୍ୟ ଦାଶ ମୃତୁ୍ୟ ଘଟଣାରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା ଏହି ମାମଲାରେ ଲାଏ ଡିଟେକସନ ଟେଷ୍ଟ ପାଇଁ ମାମଲାର ତଦନ୍ତ କରୁଥିବା କ୍ରାଇମବ୍ରାଞ୍ଚ ଫରେନସିକ ବିଭାଗକୁ ଚିଠି ଲେଖିଛି । ଫଳରେ ଆଦିତ୍ୟଙ୍କ ପତ୍ନୀ ବିଦ୍ୟାଶ୍ରୀଙ୍କର ଲାଏ ଡିଟେକସନ ଟେଷ୍ଟ ହୋଇପାରେ ବୋଲି କୁହାଯାଉଛି । ଏହାଛଡ଼ା ବିକାଶ, ପପୁ ଓ ପ୍ରୀତମଙ୍କ ମଧ୍ୟ ଲାଏ ଡିଟେକସନ ଟେଷ୍ଟ ହୋଇପାରେ ବୋଲି କୁହାଯାଉଛି ।
ପ୍ରକାଶ ଯେ, ମାନବପ୍ରେମୀ ଆଦିତ୍ୟ ସୁନ୍ଦର ଦାଶ ମୃତୁ୍ୟ ଘଟଣାରେ ତନାଘନା ଚଳାଇଛି କ୍ରାଇମବ୍ରାଞ୍ଚ ଟିମ । ପୂର୍ବରୁ ବିଭିନ୍ନ ସ୍ଥାନରେ ଛାନଭିନ ଚଳାଇଥିବା ତଦନ୍ତକାରୀ ଟିମ ଆଦିତ୍ୟଙ୍କ ପିତ୍ନୀ ବିଦ୍ୟାଶ୍ରୀଙ୍କୁ ଘଣ୍ଟା ଜେରା କରିଥିଲା । ତିନି ଜଣିଆ ଟିମ ଆଦିତ୍ୟଙ୍କ ଘରେ ପହଞ୍ଚି ବିଦ୍ୟାଶ୍ରୀଙ୍କୁ ଜେରା କରିଥିଲା । ଆଦିତ୍ୟ ଓ ତାଙ୍କ ଭିତରେ ବିବାହ ସମ୍ପର୍କରେ ତିକ୍ତତା ଆସିଥିଲା କି? କିଛି ନିର୍ଦ୍ଧିଷ୍ଟ କାରଣରୁ ସେମାନଙ୍କ ଭିତରେ ମନୋମାଳିନ୍ୟ ରହିଥିଲା କି? ବୃଦ୍ଧାଶ୍ରମ ଅର୍ଥକୁ କେନ୍ଦ୍ର କରି କିଛି ପାଟିତୁଣ୍ଡ ହୋଇଥିଲା କି? ଯେଉଁ ୬ ଦିନ ଆଦିତ୍ୟଙ୍କ ବାପା ଓ ମା ଘରେ ନଥିଲେ, ତା ଭିତରେ ଉଭୟଙ୍କ ମଧ୍ୟରେ କିଛି ଘଟିଥିଲା କି? ଏହି ସବୁ ଦିଗକୁ ଆଧାର କରି କ୍ରାଇମବ୍ରାଞ୍ଚ ବିଦ୍ୟାଶ୍ରୀଙ୍କୁ ଜେରା କରିଥିଲା । ବିଦ୍ୟାଶ୍ରୀଙ୍କୁ ଜେରା କରିବା ପରେ ଆଦିତ୍ୟଙ୍କ ବାପା ଓ ମା’ଙ୍କୁ ମଧ୍ୟ ପଚରାଉଚରା କରାଯାଥିଲା । ବିଦ୍ୟାଶ୍ରୀ ଓ ଆଦିତ୍ୟଙ୍କ ବାପା, ମା’ଙ୍କୁ ଅଲଗା ଅଲଗା ପଚରାଉଚରା କରାଯାଇଥିଲା ।ସେହିପରି ପିପୁଲ୍ସ ଫର ସେବାର ସଦସ୍ୟ ତଥା ଆଦିତ୍ୟଙ୍କ ଘନିଷ୍ଠ ସହଯୋଗୀ ପପୁ, ବିକାଶ, ଦୀପୁ ଓ ପ୍ରୀତମଙ୍କୁ ଜେରା କରାଯାଇଥିଲା। ସେମାନଙ୍କ ବୟାନ ରେକର୍ଡ କରିଛି କ୍ରାଇମବ୍ରାଞ୍ଚ ଟିମ । ଆଶ୍ରମକୁ ଯାଇ ମଧ୍ୟ ଖୋଳତାଡ଼ କରିଥିଲାତଦନ୍ତକାରୀ ଦଳ । ଆଶ୍ରମର ଆର୍ଥିକ କାରବାର ସମ୍ପର୍କରେ ତଥ୍ୟ ହାସଲ କରିଥିଲା ।
