ବିଏସଏନଏଲ ସେବା ପାଇଁ ସପ୍ତାହେ:ଏଜିଏମ

Sep 21, 2019 - 06:12 Updated: Sep 21, 2019 - 06:12

6460

କଟକ: ସ୍ଥାନୀୟ ବଜ୍ରକବାଟୀ ରୋଡସ୍ଥିତ ବିଏସଏନଏଲ କାର୍ଯ୍ୟାଳୟରେ ଅଗ୍ନିକାଣ୍ଡ ପରେ ବିଏସଏନଏଲ ସେବା ବ୍ୟାହାତ ହୋଇଛି । ତେବେ ସ୍ଥିତି ସ୍ୱାଭାବିକ ତଥା ସେବା ପାଇଁ ଆହୁରି ସପ୍ତାହେ ଲାଗିବ । ଏହା କହିଛନ୍ତି ବିଏସଏନଏଲ ଏଜିଏମ ଟ୍ରାନ୍ସମିଶନ ତାପସ ପ୍ରସାଦ ବେହେରା । ସେ କହିଛନ୍ତି ଯେ, ସପ୍ତାହେ ମଧ୍ୟରେ ବିଏସଏନଏଲ ସେବା ସ୍ୱାଭାବିକ ହେବ । କାଲି ସୁଦ୍ଧା ବ୍ୟାଙ୍କ ପାଇଁ ଇଣ୍ଟରନେଟ ସୁବିଧା ଯୋଗାଇବାକୁ କାମ କରିବୁ । ପରବର୍ତ୍ତୀ ପର୍ଯ୍ୟାୟରେ ମୋବାଇଲ ସେବା ପାଇଁ କାମ କରାଯିବ । କେନ୍ଦୁଝର, ଢେଙ୍କାନାଳ ଓ ଅନୁଗୁଳ ଜିଲ୍ଲାରେ ସ୍ଥିତି ସ୍ୱାଭାବିକ ଅଛି । ବର୍ତ୍ତମାନ କଟକ ଓ ଆଖପାଖ ଜିଲ୍ଲାରେ ସେବା ଯୋଗାଇବାକୁ ଗୁରୁତ୍ୱ ଦେବୁ ବୋଲି ସେ କହିଛନ୍ତି । ପ୍ରକାଶ ଯେ, ଶୁକ୍ରବାର କାର୍ଯ୍ୟାଳୟର ଚତୁର୍ଥ ମହଲାରେ ଭୟାବହ ଅଗ୍ନିକାଣ୍ଡ ଘଟିଥିଲା । ବିଦୁ୍ୟତ ସର୍ଟସର୍କିଟରୁ ଏହି ଅଗ୍ନିକାଣ୍ଡ ଘଟିଥିଲା । ଅଗ୍ନିଶମ ଗାଡ଼ି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା । ନିଆଁ ଲାଗିବା ଯୋଗୁଁ କଟକରେ ବିଏସଏନଏଲ ସେବା ଠପ ହୋଇଯାଇଥିଲା ।