ବାଲି ମାଫିଆଙ୍କ ସହ ଡିଲ : ନିଲମ୍ବିତ ହେଲେ ଓଏଏସ
ବାଲି ମାଫିଆଙ୍କ ସହ ଡିଲ : ନିଲମ୍ବିତ ହେଲେ ଓଏଏସ
admin
2382
ଭୁବନେଶ୍ୱର : ବାଲି ମାଫିଆଙ୍କ ସହ ବେତନଟୀ ତହସିଲଦାର ଅନିଶା ଦାସଙ୍କ ଡିଲ ଏବେ ତାଙ୍କୁ ମହଙ୍ଗା ପଡ଼ିଛି । ପ୍ରଥମେ ତାଙ୍କୁ ବଦଳି କରାଯାଇଥିବାବେଳେ ଏବେ ନିଲମ୍ବିତ କରିଛି ରାଜସ୍ୱ ବିଭାଗ । ମୋରମ ବୋଝେଇ ଟ୍ରକକୁ ବିନା ଫାଇନରେ ଥାନାରୁ ଛାଡ଼ି ଦେବା ପାଇଁ ସେ ଡିଲ କରିଥିବା ଅଭିଯୋଗ ହୋଇଥିଲା । ଏହାର ଅଡ଼ିଓ ଟେପ ବି ଭାଇରାଲ ହୋଇଥିଲା । ପୁଲିସ ଏ ଘଟଣାରେ ପ୍ରଥମେ ଦଲାଲ ଅଭିଜିତ ମହଲକୁ ଗିରଫ କରିବା ପରେ ଛାନଭିନ ଆରମ୍ଭ କରିଥିଲା ।
ସୂଚନାଯୋଗ୍ୟଯେ, ସୋମବାର ରାତି ପ୍ରାୟ ସାଢେ଼ ୩ଟା ବେଳେ ବୈଶିଙ୍ଗା ଛକ ନିକଟରେ ଦୁଇଟି ମୋରମ ବୋଝେଇ ଟ୍ରକ ଜବତ ହୋଇଥିଲା । ତେବେ ସବୁଠାରୁ ବଡ଼ କଥା ହେଉଛି କୌଣସି ଅଫିସର ନୁହେଁ ବରଂ କିଛି ଯୁବକ ଗାଡ଼ି ଅଟକାଇବା ସହ ଡ୍ରାଇଭରଙ୍କ ଠାରୁ କାଗଜପତ୍ର ମାଗିଥିଲେ । ଏନେଇ ସେ ସ୍ଥାନୀୟ ତହସିଲଦାର ଅନୀଶା ଦାସଙ୍କ ସମେତ କେତେକଙ୍କ ନାମରେ ଅଭିଯୋଗ କରିଥିଲେ । ପରେ ପୁଲିସ ମାମଲା ରୁଜୁ କରି ଅଭିଜିତ ମହଲ ଓ ଶିବାଶିଷ ନାଥଙ୍କୁ ଗିରଫ କରିଥିଲା ।
