ବଲରେ ସାନିଟାଇଜର ବୋଳି ବୋଲର ବାସନ୍ଦ

Sep 7, 2020 - 12:16 Updated: Sep 7, 2020 - 12:16

5123

ନୂଆଦିଲ୍ଲୀ: ବଲରେ ହ୍ୟାଣ୍ଡ ସାନିଟାଇଜର ଲଗାଇବାରୁ ଇଂଲଣ୍ଡ କି୍ରକେଟର ମିଚ କ୍ଲେଡନଙ୍କୁ କାଉଣ୍ଟି ଦଳ ସସେକ୍ସ ପକ୍ଷରୁ ନିଲମ୍ବନ କରାଯାଇଛି । ମିଡିଲସେକ୍ସ ବିପକ୍ଷରେ ଗତମାସରେ ହୋଇଥିବା ଏକ ମ୍ୟାଚ ଅବସରରେ ସେ ବଲରେ ହ୍ୟାଣ୍ଡ ସାନିଟାଇଜର ଲଗାଇବାର ଅଭିଯୋଗ ହୋଇଥିଲା । ଏହି ମ୍ୟାଚରେ ସେ ୩ ୱିକେଟ ଅକ୍ତିଆର କରିଥିବା ସସେକ୍ସ ପକ୍ଷରୁ ଜାରି ହୋଇଥିବା ଏକ ବିଜ୍ଞପ୍ତିରେ କୁହାଯାଇଛି । ନିଲମ୍ବନ ହେବା ପରେ କ୍ଲେଡନଙ୍କୁ ବବ ୱିଲିସ ଟ୍ରଫିର ସରେ ବିପକ୍ଷ ମ୍ୟାଚରେ ଦଳରେସାମିଲ କରାଯିବ ନାହିଁ ବୋଲି କୁହାଯାଇଛି । ଇଂଲଣ୍ଡ ଓ ୱେଲସ କି୍ରକେଟ ବୋର୍ଡ ପକ୍ଷରୁ ମଧ୍ୟ ଏହି ଘଟଣା ଉପରେ ତଦନ୍ତ ପ୍ରକି୍ରୟା ଉନ୍ମୁକ୍ତ ରଖାଯାଇଛି । ସ୍ୱାସ୍ଥ୍ୟକୁ ଗୁରୁତ୍ୱ ଦେଇ ବଲରେ ଲାଳ ନ ଲଗାଇବାକୁ ଆଇସିସି ପକ୍ଷରୁ ଜାରି ହୋଇଥିବା କଡ଼ା ନୀତିନିୟମରେ ଉଲ୍ଲେଖ ରହିଛି । ଏପରିକି ଏହା ବଦଳରେ ବଲକୁ ଚମକାଇବା ପାଇଁ କଣ ବ୍ୟବହାର କରାଯିବ ତାହା ଏ ପର୍ଯ୍ୟନ୍ତ ନିର୍ଣ୍ଣୟ ହୋଇପାରିନାହିଁ ।