ବଡ ଧରଣର ଆକ୍ରମଣ ଯୋଜନା ପଣ୍ଡ : ୫ ଆତଙ୍କୀଙ୍କୁ ଗିରଫ କଲା ଦିଲ୍ଲୀ ପୋଲିସ
ବଡ ଧରଣର ଆକ୍ରମଣ ଯୋଜନା ପଣ୍ଡ : ୫ ଆତଙ୍କୀଙ୍କୁ ଗିରଫ କଲା ଦିଲ୍ଲୀ ପୋଲିସ
admin
3472
ନୂଆଦିଲ୍ଲୀ : ଏକ ବଡ ଧରଣର ଆତଙ୍କୀ ଯୋଜନାକୁ ପଣ୍ଡ କରିଛି ଦିଲ୍ଲୀ ପୋଲିସ । ସୋମବାର ଦିଲ୍ଲୀ ପୋଲିସର ସ୍ୱତନ୍ତ୍ର ସେଲ ୫ ଜଣ ଆତଙ୍କୀଙ୍କୁ ଗିରଫ କରିଛି । ଜାତୀୟ ରାଜଧାନୀ ନୂଆଦିଲ୍ଲୀର ଶକରପୁର ଅଞ୍ଚଳରୁ ଏହି ୫ ଆତଙ୍କୀଙ୍କୁ ଗିରଫ କରାଯାଇଛି । ଗିରଫ ଆତଙ୍କୀଙ୍କ ମଧ୍ୟରୁ ୩ ଜଣ ଜମ୍ମୁ କାଶ୍ମୀରର ହୋଇଥିବା ବେଳେ ୨ ଜଣ ପଞ୍ଜାବର ବୋଲି ଜଣାପଡିଛି । ତେବେ ଏହି ଆତଙ୍କୀ ମାନେ କେଉଁ ଗୋଷ୍ଠୀର ତାହା ଏ ଯାଏଁ ସ୍ପଷ୍ଟ ହୋଇନାହିଁ ।
ଦିଲ୍ଲୀ ସ୍ୱତନ୍ତ୍ର ସେଲର ଅଧିକାରୀ ମାନଙ୍କ ସହିତ ଗୁଳି ବିନିମୟ ପରେ ଏହି ଆତଙ୍କୀ ମାନଙ୍କୁ ଗିରଫ କରାଯାଇଛି । ଏହି ଆତଙ୍କୀଙ୍କ ନିକଟରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଛି । ପୋଲିସ ଆତଙ୍କୀଙ୍କ ନିକଟରୁ ଦୁଇଟି ସେମି ଅଟୋମେଟିକ ପିସ୍ତଲ ସହିତ ୧୦ଟି ଜୀବନ୍ତ ଗୁଳି ଜବତ କରିଥିବା ଜଣାପଡିଛି । ଉଲ୍ଲେଖଯୋଗ୍ୟ ଯେ, ଦିଲ୍ଲୀ ପୋଲିସ ୨୦ ଦିନ ପୂର୍ବରୁ ଖାନ ମାର୍କେଟ ଅଞ୍ଚଳରୁ ଦୁଇ ଜଣ ଜୈସ ଏ ମହମ୍ମଦ ଆତଙ୍କୀଙ୍କୁ ଗିରଫ କରିଥିଲା ।
ଏହି ଆତଙ୍କୀ ମାନଙ୍କୁ ଗିରଫ କରିବା ସହିତ ଦିଲ୍ଲୀ ପୋଲିସ ଏକ ବଡ ଧରଣର ଆତଙ୍କୀ ଆକ୍ରମଣ ଯୋଜନାକୁପଣ୍ଡ କରିଦିଆାଇଛି । ଚାଷୀ ଆନେ୍ଦାଳନ ପାଇଁ ହଜାର ହଜାର ଚାଷୀ ଉପସ୍ଥିତ ଥିବା ବେଳେ ଆତଙ୍କୀ ଆକ୍ରମଣ ବ୍ୟାପକ କ୍ଷୟକ୍ଷତି ଘଟାଇବାର ସମ୍ଭାବନା ରହିଥିଲା । ତେବେ ଏହି ଆତଙ୍କୀ ମାନେ ଖଲିସ୍ତାନ ଗୋଷ୍ଠୀର ହୋଇଥିବା ନେଇ ଦିଲ୍ଲୀର ପୋଲିସ ଆଶଙ୍କା ବ୍ୟକ୍ତ କରିଛି ।
