ଫ୍ଲିପକାର୍ଟରେ ମିଳିବ ମଦ
ଫ୍ଲିପକାର୍ଟରେ ମିଳିବ ମଦ
admin
6524
ଭୁବନେଶ୍ୱର: ବିଦେଶୀ ମଦ ହୋମ ଡେଲିଭରି କରୁଥିବା ଅନଲାଇନ ଯୋଗାଣକାରୀ ସଂସ୍ଥାରେ ଯୋଡ଼ି ହୋଇଛି ଫ୍ଲିପକାର୍ଟ । ଏହି ଜଣାଶୁଣା ଅନଲାଇନ ସପିଂ ସଂସ୍ଥାର ଡେଲିଭରି ବଏ ମଧ୍ୟ ମଦ ନେଇ ଆପଣଙ୍କ ଘରେ ପହଞ୍ଚାଇବେ । ଆସନ୍ତା ସପ୍ତାହ ମଧ୍ୟରେ ଓଡ଼ିଶାର ଭୁବନେଶ୍ୱର, କଟକ ଓ ରାଉରକେଲା ମହାନଗରରେ ଏହି ହୋମ ଡେଲିଭରି ସେବା ଆରମ୍ଭ କରାଯିବ ବୋଲି ଜଣାପଡ଼ିଛି । ଫ୍ଲିପକାର୍ଟ ସହଯୋଗୀ ଅନଲାଇନ ପ୍ଲାଟଫର୍ମ ‘ହିପବାର’ ମଧ୍ୟ ମଦ ଯୋଗାଇବ । ଅବକାରୀ ବିଭାଗ ସୂଚନା ମୁତାବକ ପୂର୍ବରୁ ମୋଟ ୪ଟି ଅନଲାଇନ ଡେଲିଭରି ପାଇଁ ଅନୁମତି ପାଇଥିଲେ । ରାଜଧାନୀ ସହ କଟକ, ବ୍ରହ୍ମପୁର ଓ ରାଉରକେଲାରେ ମଦ ହୋମ ଡେଲିଭରି ପାଇଁ ସ୍ୱିଗି କୁ ଅନୁମତି ମିଳିଥିଲା । ‘ଜୋମାଟୋ’ ସଂସ୍ଥା ଭୁବନେଶ୍ୱର ସହ କଟକ ଓ ପୁରୀରେ ହୋମ ଡେଲିଭରି କରୁଥିଲା । ଏହାଛଡ଼ା ବାରିପଦା, ବେତନଟି ଓ ବରଗଡ଼ ସହରରେ ଘରେ ମଦ ଯୋଗାଇବା ପାଇ ‘ଦୁନିଆ ଅନଲାଇନ ପ୍ରାଇଭେଟ ଲିମିଟେଡ’ କୁ ଅନୁମତି ମିଳିଥିଲା ।
