ପ୍ରଜନନ ହ୍ରାସ କାରଣରୁ ଜନସଂଖ୍ୟାରେ ଆସୁଛି ସ୍ଥିରତା
ପ୍ରଜନନ ହ୍ରାସ କାରଣରୁ ଜନସଂଖ୍ୟାରେ ଆସୁଛି ସ୍ଥିରତା
admin
5654
ନୂଆଦିଲ୍ଲୀ : ଦେଶର ଜନସଂଖ୍ୟାରେ ଆସୁଛି ସ୍ଥିରତା । ପଞ୍ଚମ ଜାତୀୟ ପରିବାର ସ୍ୱାସ୍ଥ୍ୟ ସର୍ବେକ୍ଷଣ ପରେ ଏହି ସୂଚନା ପ୍ରକାଶ ପାଇଛି । ଜନସଂଖ୍ୟା ବିସ୍ଫୋରଣ ଏହା ଦ୍ୱାରା ନିୟନ୍ତ୍ରଣକୁ ଆସିବ ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ପ୍ରକାଶ ପାଇଛି । ଦେଶର ପ୍ରମୁଖ ରାଜ୍ୟ ମାନଙ୍କରେ ପ୍ରଜନନ ହାରରେ ହ୍ରାସ ଘଟିଥିବା କାରଣରୁ ଏହା ସମ୍ଭବ ହୋଇଛି ।
୧୭ଟି ରାଜ୍ୟରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ଏହି ସର୍ବେକ୍ଷଣ କରାଯାଇଥିଲା । କେବଳ ବିହାର, ମଣିପୁର ଏବଂ ମେଘାଳୟରେ ହାରାହାରି ପ୍ରଜନନ ହାର ୨.୧ ପ୍ରତିଶତ ରହିଥିଲା । ଶନିବାର ଜାରି କରାଯାଇଥିବା ଏହି ସର୍ବେକ୍ଷଣ ରିପୋର୍ଟ ଅନୁଯାୟୀ ବାକି ସମସ୍ତ ରାଜ୍ୟ ମାନଙ୍କରେ ପ୍ରଜନନ ହାର ସାଧାରଣ ରହିଛି ।
ପପୁଲେସନ ଫାଉଣ୍ଡେସନ ଅଫ ଇଣ୍ଡିଆ ମୁତାବକ ୧୭ଟି ରାଜ୍ୟରେ ପରିବାର ନିୟୋଜନ ପାଇଁ ଅତ୍ୟାଧୁନିକ କୌଶଲ ଆପଣାଉଛନ୍ତି ଲୋକ । ଏହା ସହିତ କେରଳ ପରି ବିକଶିତ ରାଜ୍ୟରେ ୫ ବର୍ଷରୁ କମ ବୟସର ଶିଶୁଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଗତବର୍ଷ ୫ ବର୍ଷରୁ କମ ଶିଶୁଙ୍କ ସଂଖ୍ୟା ୧୯ ପ୍ରତିଶତ ରହିଥିବା ବେଳେ ଏହି ସଂଖ୍ୟାରେ ବୃଦ୍ଧି ଘଟି ୨୩ ପ୍ରତିଶତ ହୋଇଛି ।
