ପୋଖରୀରେ ବୁଡ଼ିଯାଇ ଦୁଇ ଭାଇଭଉଣୀଙ୍କ ମୃତୁ୍ୟ

Dec 22, 2020 - 09:16 Updated: Dec 22, 2020 - 09:16

1780

ରାଜକନିକା: କେନ୍ଦ୍ରାପଡ଼ା ଜିଲ୍ଲା ରାଜକନିକା ଥାନା ଅନ୍ତର୍ଗତ ଡାଏଣିଗିରି ଗାଁରେ ଏକ ଅଭାବନୀୟ ଘଟଣା ଘଟିଛି । ବାଡ଼ିପଟେ ଥିବା ପୋଖରୀକୁ ଶୌଚ ହେବାକୁ ଯାଇଥିବା ବେଳେ ଭାଇଭଉଣୀ ସେଥିରେ ବୁଡ଼ି ଯାଇ ପ୍ରାଣ ହରାଇଛନ୍ତି । ଦୁନିଆକୁ ଭଲ କରି ଜାଣିନଥିବା ଦୁଇ କୋମଳମତି ଶିଶୁଙ୍କ ଏଭଳି ଦୁଃଖଦ ମୃତୁ୍ୟ ଘଟଣା ପ୍ରଚାରିତ ହେବା ପରେ ଅଞ୍ଚଳରେ ଶୋକର ଛାୟା ଖେଳି ଯାଇଛି । ମୃତ ଭାଇ ଭଉଣୀ ହେଲେ ବିନୋଦ ବେହେରାଙ୍କ ଦୁଇ ସନ୍ତାନ ପାୟଲ (୮) ଓ ବିଶ୍ୱଜିତ (୪) । ରଙ୍ଗମିସ୍ତ୍ରୀ ଭାବେ କାମ କରୁଥିବା ଡାଏଣିଗିରି ଗାଁର ବିନୋଦ ବେହେରାଙ୍କ ଝିଅ ପାୟଲ ଓ ପୁଅ ବିଶ୍ୱଜିତ ସକାଳେ ଜଳଖିଆ ଖାଇ ସାରିବା ପରେ ଖେଳାବୁଲା କରୁଥିଲେ । ସକାଳ ପ୍ରାୟ ୯ଟାରେ ସମସ୍ତ ଅଲକ୍ଷ୍ୟରେ କେତେବେଳେ ସେମାନେ ବାଡ଼ିପଟ ଥିବା ପୋଖରୀକୁ ଶୌଚ ହେବା ପାଇଁ ଯାଇଥିଲେ । ବହୁ ସମୟ ପର୍ଯ୍ୟନ୍ତ ସେମାନେ ନ ଫେରିବାରୁ ପରିବାର ଲୋକ ଖୋଜାଖୋଜି କରିଥିଲେ । ଦାଣ୍ଡ, ବାଡି ଓ ସାହିପଡିଶାରେ ସବୁ ଘର ଖୋଜିବା ପରେ ସେମାନଙ୍କୁ ନ ପାଇଁ ସମସ୍ତେ ବ୍ୟସ୍ତ ହୋଇ ପଡ଼ିଥିଲେ । କେହି ଜଣେ ସନେ୍ଦହରେ ବାଡିପଟେ ଥିବା ପୋଖରୀରେ ପଶି ଖୋଜିବାରୁ ଦୁହିଁଙ୍କୁ ଅଚେତ ଅବସ୍ଥାରେ ପୋଖରୀରୁ ଉଦ୍ଧାର କରିଥିଲେ । ତୁରନ୍ତ ସେମାନଙ୍କୁ ଚିକିତ୍ସା ପାଇଁ ରାଜକନିକା ମେହିକାଲକୁ ନିଆଯାଇଥିଲା ହେଁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।