ପୁଣି ବିବାଦରେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ, ଦୁଇ ସନ୍ତାନ ଜନ୍ମ କରିଥିବାରୁ କମ୍ ରାସନ ମିଳୁଥିବା କହିଲେ
ପୁଣି ବିବାଦରେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ, ଦୁଇ ସନ୍ତାନ ଜନ୍ମ କରିଥିବାରୁ କମ୍ ରାସନ ମିଳୁଥିବା କହିଲେ
admin
6492
ନୂଆଦିଲ୍ଲୀ: ଫଟା ଜିନ୍ସକୁ ନେଇ ବୟାନ ଦେଇ ଚର୍ଚ୍ଚାରେ ରହିଥିବା ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ତୀରଥ ସିଂହ ରାୱତ ପୁଣି ଏକ ବିବାଦୀୟ ବୟାନ ଦେଇଛନ୍ତି । ଏକ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ରାୱତ କହିଛନ୍ତି ଲକଡାଉନ ସମୟରେ ସରକାରଙ୍କ ଦ୍ୱାରା ବଣ୍ଟା ଯାଉଥିବା ଚାଉଳ ନେଇ କିଛି ଲୋକଙ୍କ ଭିତରେ ଅସନ୍ତୋଷ ଦେଖିବାକୁ ମିଳିଥିଲା । ଦୁଇ ସଦସ୍ୟ ଥିବା ପରିବାରକୁ ୧୦ କିଲୋ ଏବଂ ୨୦ ସଦସ୍ୟ ଥିବା ପରିବାରକୁ ୧ କୁଇଣ୍ଟାଲ ଚାଉଳ ଦିଆଯାଉଥିବାରୁ ଏଭଳି ସ୍ଥିତି ଉପୁଜିଥିବା ସେ କହିଥିଲେ । ଦୁଇ ସନ୍ତାନ ଜନ୍ମ କରିଥିବାରୁ କମ୍ ରାସନ ମିଳିଲା ଏବଂ ଏଥିରେ ଅସନ୍ତୋଷ କାହିଁକି ବୋଲି ସେ ପ୍ରଶ୍ନ କରିଥିଲେ । ସେହିଭଳି ଭାରତକୁ ୨ ଶହ ବର୍ଷ ଧରି ଆମେରିକା ଗୁଲାମ କରି ରଖିଥିଲା ବୋଲି ମଧ୍ୟ ମନ୍ତବ୍ୟ ଦେଇ ତୀରଥ ଚର୍ଚ୍ଚାରେ ଅଛନ୍ତି । ସେ ବି୍ରଟେନ ବଦଳରେ ଆମେରିକା ବୋଲି ଭୁଲରେ କହିଥିବା ଚର୍ଚ୍ଚା ହେଉଛି ।
