ପାରାଦୀପ ପ୍ରେସ୍ ମିଡିଆ ସଂଘର ୧୫୦ତମ ଗାନ୍ଧୀ ଜୟନ୍ତୀ ପାଳିତ

ପାରାଦୀପ:(ଲକ୍ଷ୍ମୀନାରାୟଣ ସାହୁ): ସାରା ଦେଶରେ ଜାତୀର ଜନକ ମହାତ୍ମାଗାନ୍ଧୀଙ୍କ ୧୫୦ ତମ ଜୟନ୍ତୀ ପାଳନ କରାଯାଇଛି । ଏହି ଅବସରରେ ପାରାଦୀପ ପ୍ରେସ୍ ମିଡିଆ ସଂଘ ପକ୍ଷରୁ ପ୍ରେସ୍ କ୍ଲବ୍ ପରିସରରେ ୧୫୦ତମ ଗାନ୍ଧୀ ଜୟନ୍ତୀ ପାଳିତ ହୋଇଯାଇଛି । ଏଥିରେ ପାରାଦୀପର ଅତିରିକ୍ତ ଆରକ୍ଷୀ ଅଧିକ୍ଷକ ବିଷ୍ନୁ ଚରଣ ମିଶ୍ର ମୁଖ୍ୟଅତିଥୀ ଭାବେ ଯୋଗ ଦେଇଥିବାବେଳେ ରାଷ୍ଟ୍ରପତି ପୁରସ୍କାର ପ୍ରାପ୍ତ ପ୍ରଧାନ ଶିକ୍ଷକ ମନୋରଂଜନ ଦାସ ମୁଖ୍ୟବକ୍ତା ଭାବେ ଯୋଗ ଦେଇଥିଲେ । ବରିଷ୍ଠ ସାମ୍ବାଦିକ ଚିତରଂଜନ ସ୍ୱାଇଁ ଏହି ସଭାକୁ ପରିଚାଳନା କରିଥିବାବେଳେ ସଂଘର ସଭାପତି ବସନ୍ତ କୁମାର ସାହୁ, କାର୍ଯ୍ୟକାରୀ ସଭାପତି ମହାନ୍ଦ୍ର ପରିଡା, ସାଧାରଣ ସଂପାଦକ ବଟକୃଷ୍ନ ଦାସ, ସହସଂପାଦକ ମନୋଜ କୁମାର ଦାସ, କୋଷାଧକ୍ଷ ସୁରେନ୍ଦ୍ର କୁମାର ବିଶ୍ୱାଳ, ଉପଦେଷ୍ଠା କର୍ମେଶ୍ୱର ସ୍ୱାଇଁ, ଶୁସିଲ୍ କୁମାର ପଟନାୟକ, ଦିପକ କୁମାର ବାରିକ, ମନୋଜ କୁମାର ମହାନ୍ତୀ, ସମିର ମହାନ୍ତୀ, ନିରଂଜନ ଆଚାର୍ଯ୍ୟ, ସରୋଜ ପରିଡା, ନିବୃବାହନ ଦାସ, ବିରଜା ପ୍ରସାଦ ସେଠୀ ଏବଂ ବିଭିନ୍ନ ଗଣମାଧ୍ୟମ ପ୍ରତିନିଧୀ ଓ ପାରାଦୀପର ବହୁ ବୁଦ୍ଧିଜିବୀ ସଭାରେ ଉପସ୍ଥିତ ରହିଥିଲେ । ଅତିଥୀମାନେ ଗାନ୍ଧିଜୀଙ୍କ ଫଟୋଚିତ୍ରରେ ମାଲ୍ୟାର୍ପଣ କରିବାସହ ପଦୀପ ପ୍ରଜ୍ୱଳନ କରିଥିଲେ । ଗତ ୨୭ ତାରିଖ ଦିନ ବିଭିନ୍ନ ସ୍କୁଲ୍ ଛାତ୍ରଛାତ୍ରୀଙ୍କ ମଧ୍ୟରେ ଅନୁଷ୍ଠିତ ହୋଇଥିବା ବକ୍ତୃତା ପ୍ରତିଯୋଗିତାର ୧୦ଜଣ କୃତି ପ୍ରତିଯୋଗୀ ମାନଙ୍କୁ ଏହି ଜୟନ୍ତୀ ସଭାରେ ପୁରସ୍କୃତ କରାଯାଇଥିଲା । ଏହି ସଭାରେ ବକ୍ତାମାନେ ଗାନ୍ଧିଜୀଙ୍କ ଜିବନୀ ଉପରେ ଆଲୋକପାତ କରିଥିଲେ ।