ପାଇଲଟ୍ କିମ୍ବା ସିନ୍ଧିଆଙ୍କୁ ସଭାପତି ପାଇଁ ଦେଓରାଙ୍କ ପ୍ରସ୍ତାବ
ପାଇଲଟ୍ କିମ୍ବା ସିନ୍ଧିଆଙ୍କୁ ସଭାପତି ପାଇଁ ଦେଓରାଙ୍କ ପ୍ରସ୍ତାବ
admin
3456
ମୁମ୍ବାଇ: ଯୁବନେତା ସଚିନ ପାଇଲଟ କିମ୍ବା ଜ୍ୟୋତିରାଦିତ୍ୟ ସିନ୍ଧିଆଙ୍କୁ କଂଗ୍ରେସ ସଭାପତି କରିବା ପାଇଁ ମୁମ୍ବାଇ କଂଗ୍ରେସ ମୁଖ୍ୟ ମିଲିନ୍ଦ ଦେଓରା ଆଜି ପ୍ରସ୍ତାବ ଦେଇଛନ୍ତି । ସାରା ଭାରତରେ ଆକର୍ଷଣ ଥିବା ଜଣେ ଯୁବକଙ୍କୁ କଂଗ୍ରେସ ସଭାପତି କରିବା ପାଇଁ ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ଯେଉଁ ମତ ଦେଇଛନ୍ତି ସେହି ମତ ସହ ଦେଓରା ଏକମତ ବୋଲି କହିଛନ୍ତି । ପଞ୍ଜାବ ମୁଖ୍ୟମନ୍ତ୍ରୀ ଯେଉଁ ସବୁ ମାନଦଣ୍ଡ କଥା କହିଛନ୍ତି ତାହା ସଚିନ ପାଇଲଟ୍ ଜ୍ୟୋତିରାଦିତ୍ୟ ସିନ୍ଧିଆଙ୍କ ନିକଟରେ ରହିଛି ବୋଲି ଦେଓରା ମତ ଦେଇଛନ୍ତି । ଏହି ଦୁଇ ଜଣଙ୍କ ମଧ୍ୟରୁ କାହାକୁ ଅନ୍ତରୀଣ ସଭାପତି କରାଯିବା ସହିତ ତାଙ୍କୁ ସର୍ବସାଧାରଣରେ ଗାନ୍ଧି ପରିବାର ସମର୍ଥନ କରିବା ଆବଶ୍ୟକ ବୋଲି ସେ କହିଛନ୍ତି । ତେବେ ଦଳ ଏହି ଦୁଇଜଣଙ୍କ ବ୍ୟତୀତ ଅନ୍ୟ କାହାରିକୁ ସଭାପତି ଭାବେ ବାଛିଲେ ତାଙ୍କର ପ୍ରତିକି୍ରୟା କ’ଣ ରହିବ ବୋଲି ପ୍ରଶ୍ନ ହେବାରୁ ସେ କହିଥିଲେ ଦଳର ନିଷ୍ପତ୍ତିକୁ ସେ ସମ୍ମାନ ଦେବେ ।
