ପତଞ୍ଜଳି ଉପରେ ୧୦ ଲକ୍ଷର ଜରିମାନା
ପତଞ୍ଜଳି ଉପରେ ୧୦ ଲକ୍ଷର ଜରିମାନା
admin
3792
ଚେନ୍ନାଇ : ଯୋଗଗୁରୁ ରାମଦେବଙ୍କ ସଂସ୍ଥା ପତଞ୍ଜଳି ଉପରେ ୧୦ ଲକ୍ଷ ଟଙ୍କାର ଜରିମାନା ଲଗାଇଛନ୍ତି ମାଡ୍ରାସ ହାଇକୋର୍ଟ । ମହାମାରୀ ସମୟରେ ଲାଭକୁ ପ୍ରାଧାନ୍ୟ ଦେଉଥିବା ଅଭିଯୋଗ କରି କୋର୍ଟ ଏହି ଅର୍ଥଦଣ୍ଡ ଘୋଷଣା କରିଛନ୍ତି । କରୋନା ସମୟରେ କରୋନିଲ୍ ବାହାର କରି ଏଥିରୁ ଲାଭ ହାସଲ ପାଇଁ ରାମଦେବ ଚେଷ୍ଟା କରିଥିବା କାରଣରୁ କୋର୍ଟ ଏହି ଅର୍ଥଦଣ୍ଡ ଶୁଣାଇଛନ୍ତି । ଚେନ୍ନାଇର ଏକ କମ୍ପାନୀ ଅରୁଦ୍ରା ଇଞ୍ଜିନିୟର୍ସ ଲିମିଟେଡ୍ ପକ୍ଷରୁ ସମାନ ପ୍ୟାଟେଣ୍ଟ ବ୍ୟବହାର କରାଯାଉଥିବାରୁ କୋର୍ଟ କରୋନିଲ୍ ବିକ୍ରି ଉପରେ ମଧ୍ୟ ରୋକ୍ ଲଗାଇଛନ୍ତି । ନିଜ ୧୦୪ ପୃଷ୍ଠାର ରାୟରେ କୋର୍ଟ ମହାମାରୀ ସମୟରେ ଭୟର ବାତାବରଣ ସୃଷ୍ଟି କରି ଲାଭ କରିବା ଗ୍ରହଣୀୟ ନୁହେଁ ବୋଲି ମତ ଦେଇଛନ୍ତି । ଏହା ସହିତ ପତଞ୍ଜଳି ଏବଂ ଦିବ୍ୟ ଯୋଗ ମନ୍ଦିର ଟ୍ରଷ୍ଟ ପକ୍ଷରୁ ଜରିମାନା ଅର୍ଥରାଶିକୁ ଆଡୟାର କ୍ୟାନ୍ସର ଇନଷ୍ଟିଚ୍ୟୁଟ ଏବଂ ସରକାରୀ ଯୋଗ ମେଡିକାଲ କଲେଜ୍କୁ ପ୍ରଦାନ କରିବା ପାଇଁ କୋର୍ଟ ନିଦେ୍ର୍ଧଶ ଦେଇଛନ୍ତି ।
