ପଞ୍ଚାୟତ ନିର୍ବାହୀ ଅଧିକାରୀଙ୍କୁ ପୁଲିସ ସୂଚନାଦାତା ସନେ୍ଦହରେ ହତ୍ୟା କଲେ ମାଓବାଦୀ
ପଞ୍ଚାୟତ ନିର୍ବାହୀ ଅଧିକାରୀଙ୍କୁ ପୁଲିସ ସୂଚନାଦାତା ସନେ୍ଦହରେ ହତ୍ୟା କଲେ ମାଓବାଦୀ
admin
5235
ମାଲକାନଗିରି: ମାଲକାନଗିରି ଜିଲ୍ଲା ସୀମାନ୍ତରେ ଲାଲ ବାହିନୀର ଲାଲ ତାଣ୍ଡବ । ସୀମାନ୍ତ ଛତିଶଗଡ଼ ରାଜ୍ୟ ନାରାୟଣପୁର ଜିଲ୍ଲା ପୋଚାବାଡ ପଞ୍ଚାୟତ ନିର୍ବାହୀ ଅଧିକାରୀ ହରକ ଚୌଧୁରୀଙ୍କୁ ଗତକାଲି ରାତିରେ ପୁଲିସ ସୂଚନାଦାତା ସନେ୍ଦହରେ ହତ୍ୟା କରିଛନ୍ତି । ଶ୍ରୀ ଚୌଧୁରୀ କୌଣସି ଏକ କାମରେ ପଞ୍ଚାୟତ କାର୍ଯ୍ୟାଳୟକୁ ଯାଇଥିଲେ । ନିଜ ଘରକୁ ଫେରୁଥିଲା ବେଳେ ତାଙ୍କୁ ରାସ୍ତାରୁ ମାଓବାଦୀମାନେ ଉଠାଇ ନେଇଥିଲେ । ରାତିରେ ଘରକୁ ଫେରିବାରେ ଡେରି ହେବାରୁ ପରିବାର ଲୋକେ ବହୁତ ଖୋଜାଖୋଜି କଲାପରେ ନିକଟସ୍ଥ ଜଙ୍ଗଲରେ ଶ୍ରୀ ଚୌଧୁରୀଙ୍କ ମୃତ ଶରୀର ପଡ଼ିଥିବା ଦେଖିବାକୁ ମିଳିଥିଲା । ପରିବାର ଲୋକେ ଏ ନେଇ ପୁଲିସକୁ ଜଣାଇଥିଲେ । ପୁଲିସ ଘଟଣା ସ୍ଥଳରେ ପହଞ୍ଚି ମୃତ ଶରୀର ଜବତ କରିବା ସହ ବ୍ୟବଚ୍ଛେଦ ପାଇଁ ହସ୍ପିଟାଲକୁ ପଠାଇଥିଲେ । ପୁରା ଘଟଣାର ତଦନ୍ତ ଆରମ୍ଭ ହୋଇଛି ।
