ନିଲାମ ହେବ ବିଦ୍ୟା ବାଲାନ ପିନ୍ଧିଥିବା ଶ୍ରୀଗଣିତ ଶାଢ଼ି
ନିଲାମ ହେବ ବିଦ୍ୟା ବାଲାନ ପିନ୍ଧିଥିବା ଶ୍ରୀଗଣିତ ଶାଢ଼ି
admin
6715
ଭୁବନେଶ୍ୱର: ବିଦ୍ୟା ବାଲାନ ପିନ୍ଧିଥିବା ସମ୍ବଲପୁରୀ ବାନ୍ଧ ‘ଶ୍ରୀଗଣିତ ଶାଢ଼ି’ ନିଲାମ ହେବ ଅନଲାଇନରେ ୧୫ ତାରିଖରୁ ନିଲାମ ଆରମ୍ଭ ହୋଇଥିବା ବେଳେ ୨୦ ତାରିଖ ରାତି ୧୦ ପର୍ଯ୍ୟନ୍ତ ସମୟ ଦିଆଯାଇଛି । ଆଗ୍ରହୀ ବ୍ୟକ୍ତି ବିଶେଷ ଏହାକୁ କିଣିବା ପାଇଁ ‘ଗୁଗୁଲ ଫର୍ମସ’ରେ ଆବେଦନ କରିପାରିବେ । ଶାଢ଼ି ବିକି୍ରର ସମସ୍ତ ଅର୍ଥ ଏହାର ବୁଣାକାର ଭାଗବତ ମେହେରଙ୍କୁ ପ୍ରଦାନ କରାଯିବ । ‘ଉକ୍ରଳ ଅମି୍ରତା’ ବ୍ରାଣ୍ଡ ନାଁ ରେ ଏହାକୁ ବିଦ୍ୟା ବାଲାନଙ୍କ ପାଖେ ପହଞ୍ଚାଇଥିବା ସାବତ ଏକ୍ସପୋର୍ଟ ପ୍ରାଇଭେଟ ଲିମିଟେଡର ନିଦେ୍ର୍ଧଶିକା ଅନିତା ସାବତ ଓ ଅମି୍ରତା ସାବତ ଏ ନେଇ ସୂଚନା ଦେଇଛନ୍ତି । ଅନିତା କହିଛନ୍ତି, ମୁମ୍ବାଇରେ ଏକ ପ୍ରଦର୍ଶନୀରେ ଅଭିନେତ୍ରୀ ବିଦ୍ୟା ବାଲାନଙ୍କ ଟିମ ସଦସ୍ୟଙ୍କ ସହ ଅମି୍ରତା ସାବତ ଯୋଗାଯୋଗ କରି ଶ୍ରୀଗଣିତ ଶାଢ଼ି ବାବଦରେ କହିଥିଲେ । ଏହାକୁ ଶୁଣିବା ପରେ ଟିମ ସଦସ୍ୟ ବିଦ୍ୟା ବାଲାନଙ୍କୁ ଶାଢ଼ି ସମ୍ପର୍କରେ କହିଥିଲେ । ବିଦ୍ୟା ଶାଢ଼ିଟି ଦେଖି ଖୁସି ବ୍ୟକ୍ତ କରିଥିବା ବେଳେ ଏହାକୁ ସେ ତାଙ୍କର ମୁକ୍ତିଲାଭ କରିଥିବା ଚଳଚ୍ଚିତ୍ର ‘ଶକୁନ୍ତଳା’ର ରିଲିଜ ପୂର୍ବଦିନ ପିନ୍ଧିବେ ବୋଲି କହିଥିଲେ । ନିଷ୍ପତ୍ତି ମୁତାବକ ଶାଢ଼ି ଯୋଗାଇ ଦିଆଯାଇଥିଲା । ବିଦ୍ୟା ଶାଢ଼ି ପିନ୍ଧି ସୋସିଆଲ ମିଡିଆରେ ବୁଣାକାରଙ୍କୁ ବହୁତ ପ୍ରଶଂସା କରିଥିଲେ । ଏଥିସହ ଚୁକ୍ତି ମୁତାବକ ଶାଢ଼ିଟି ପିନ୍ଧିବା ପରେ ଫେରାଇ ଦେଇଥିଲେ । ଶାଢ଼ିଟି ଆସିବା ପରେ ଏହାକୁ କିଣିବା ପାଇଁ ଅନେକ ଆଗ୍ରହ ପ୍ରକାଶ କରିଥିଳେ । ଲୋକଙ୍କ ଭିତରେ ଏହି ଆଗ୍ରହରୁ ଏହାର ନିଲାମ କଥା ମନକୁ ଆସିଥିଲା । ବିଦ୍ୟା ଏହି ଶାଢ଼ିଟି ପିନ୍ଧିବା ପରେ ଏହାର ଅନେକ ଦାବିଦାର ବାହାରୁ ଥିବାରୁ ଏହାକୁ ଦୃଷ୍ଟିରେ ରଖି ଶାଢ଼ିର ପ୍ରକୃତ ବୁଣାକାରଙ୍କୁ ଶାଢ଼ି ନିଲାମର ସମସ୍ତ ଅର୍ଥ ଦେବାକୁ ମନସ୍ଥ କରି ଏଭଳି ନିଷ୍ପତ୍ତି ନେଇଛୁ ବୋଲି ସେ କହିଛନ୍ତି ।
