ନବୀନ ସରକାର ନୀରିହ ଗରିବ ଜନସାଧାରଣଙ୍କ ଉପରେ ଦମନଲୀଳା ଚଲାଇଛନ୍ତି
ନବୀନ ସରକାର ନୀରିହ ଗରିବ ଜନସାଧାରଣଙ୍କ ଉପରେ ଦମନଲୀଳା ଚଲାଇଛନ୍ତି
admin
5289
ନବରଙ୍ଗପୁର - ଦୁଷ୍କର୍ମ ପିଡିତାକୁ ନ୍ୟାୟଦେବାକୁ ଯାଇ ହରଡଘଣାରେ ପଡିଛନ୍ତି କଂଗ୍ରେସ ନେତା ପ୍ରଦୀପ ମାଝୀ । ନବରଙ୍ଗପୁର ବନ୍ଦ ବେଳେ ପ୍ରଦୀପ ମାଝିଙ୍କ ଏକ ବିବାଦିୟ ବୟାନକୁ ନେଇ ଥାନରେ ଏତଲା ଦିଆଯାଇଛି । ହିଂସାକୁ ଉସୁକାଇବା ନେଇ ଶ୍ରୀ ମାଝୀଙ୍କ ନାମରେ ନବରଙ୍ଗପୁର ଟାଉନ ଥାନାରେ ଏତଲା ଦିଆଯାଇଛି । ଥାନାରେ ନିଜ ତରଫରୁ ନବରଙ୍ଗପୁର ପୁଲିସ ଏତଲା ଦେଇଛି । ଶ୍ରୀ ମାଝୀଙ୍କ ସହ ମୋଟ ୧୫ ଜଣଙ୍କ ନାମରେ ଏତଲା ଦିଆଯାଇଛି । ଏତଲା ପରେ ପୁଲିସ ଏକ ମାମଲା ରୁଜୁ କରି ଛାନଭିନ ଜାରି ରଖିଛି । ଦଫା ୧୪୭, ୩୪୧, ୩୫୩, ୨୮୩, ୫୦୬, ୪୩୫, ୧୨୦(ଖ) ଏବଂ ୩ ପିଡିପିପି ଦଫାରେ ମାମଲା ରୁଜୁ କରାଯାଇଛି । ତେବେ ଆଉ ଅଧିକ ଲୋକଙ୍କ ନାମରେ ମାମଲା ହୋଇପାରେ ବୋଲି ପୁଲିସ ପକ୍ଷରୁ ସୂଚନା ଦିଆଯାଇଛି ।
ପ୍ରକାଶ ଯେ, ଗୁରୁବାର ନବରଙ୍ଗପୁର ବନ୍ଦ ପାଳନ ବେଳେ କଂଗ୍ରେସ ନେତା ପ୍ରଦୀପ ମାଝୀଙ୍କ ଏକ ବିବାଦୀୟ ମନ୍ତବ୍ୟ ବିଶିଷ୍ଟ ଏକ ଭିଡିଓ ଭାଇରାଲ ହୋଇଥିଲା । ପେଟ୍ରୋଲ, ଡିଜେଲ ରେଡି ରଖ । କହିଲେ ଜାଳିବ । ଦଳୀୟ କର୍ମୀଙ୍କୁ ଶ୍ରୀ ମାଝୀ ଫୋନରେ ଏଭଳି କହୁଥିବାର ଏକ ଭିଡିଓ ଭାଇରାଲ ହୋଇଥିଲା । ଫୋନରେ ଶ୍ରୀ ମାଝୀ କର୍ମୀଙ୍କୁ ପେଟ୍ରୋଲ ଓ ଡିଜେଲ ରେଡି ରଖିବାକୁ କହୁଛନ୍ତି । ଖାଲି ସେତିକି ନୁହଁ ପେଟ୍ରୋଲ ଓ ଡିଜେଲ ରେଡି ରଖ, ଡାଇରେକ୍ସନ ଗଲେ ଜାଳିବ ବୋଲି କହୁଛନ୍ତି । ଯେତେବେଳେ ଡାଇରେକ୍ସନ ଯିବ, ସବୁ ନିଆଁ ମାରିଦେବ । ତା’ପରେ ଯାହା ହେବ ଦେଖାଯିବ ବୋଲି ପ୍ରଦୀପ ମାଝୀ ଫୋନରେ କର୍ମୀଙ୍କୁ କହୁଥିବାର ଏକ ଭିଡିଓ ଭାଇରାଲ ହୋଇଥିଲା । ଏହା ପରେ ଆନେ୍ଦାଳନକାରୀମାନେ ଆମ୍ବେଦକର ଛକରେ ଏକ କାରକୁ ଜାଳିଦେଇଥିଲେ । ଏହାଛଡ଼ା ଶ୍ରୀ ମଝୀ କହିଥିଲେ ଗାନ୍ଧୀ ନୀତିରେ ଆଉ ନ୍ୟାୟ ମିଳିପାରୁନାହିଁ । ସେଥିପାଇଁ ସୁଭାଷ ବୋଷଙ୍କ ନୀତି ଆପଣାଇଲୁ । ନ୍ୟାୟ ପାଇଁ ହିଂସାକୁ ଆପଣାଇବାକୁ ବାଧ୍ୟ ହେଉଛୁ । ମହାତ୍ମା ଗାନ୍ଧୀଙ୍କ ପଥରେ ଚାଲି ଆଜି ଆମେ ହତାଶ ହୋଇଛୁ । ନ୍ୟାୟ ନମିଳିଲେ ଆମେ ନ୍ୟାୟ ଛଡ଼ାଇ ନେବୁ । ଶାନ୍ତିରେ ନ୍ୟାୟ ନମିଳିଲେ ଅଶାନ୍ତ ହେବ ବୋଲି ସେ କହିଥିଲେ । ଏତଲା ପରେ ପ୍ରତିକ୍ରିୟାରେ ପ୍ରଦୀପ ମାଝି କହିଛନ୍ତି ଯେ ଆମେ ଜବାବ ମାଗିଛୁ ଜବାବ ନମିଳିଲେ ଜବାବ ଦେବୁ । ନବୀନ ବାବୁଙ୍କ ଗୃହବିଭାଗ ନୀରିହ ଗରିବ ଜନସାଧାରଣଙ୍କ ଉପରେ ଦମନ ଲୀଳା ଚଲାଇବା ଜାଣିଛି । ୧୫ଜଣଙ୍କ ନାଁରେ କାହିଁକି ଜିଲ୍ଲାର ସମସ୍ତଙ୍କ ନାଁରେ ମାମଲା ରୁଜୁ କରୁ ।
