ଦୁର୍ଘଟଣା : ଆମ୍ବୁଲାନ୍ସରୁ ୨ଟି ମୃତଦେହ ଉଦ୍ଧାର
ଦୁର୍ଘଟଣା : ଆମ୍ବୁଲାନ୍ସରୁ ୨ଟି ମୃତଦେହ ଉଦ୍ଧାର
admin
2490
ପାଟଣାଗଡ: ପାଟଣାଗଡ ପଦ୍ମପୁର ମୂଖ୍ୟ ରାସ୍ତା ଝୁଲେନବର ଓ ପାଢେଲ ଗ୍ରାମ ମଝିରେ ଏକ ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ ହୋଇଛି । ଆମ୍ବୁଲାନ୍ସରୁ ୨ଟି ମୃତଦେହ ଉଦ୍ଧାର ହୋଇଛି । ମୃତକ ମାନେ ହେଲେ ତୁରେକେଲା ବ୍ଲକ ଅନ୍ତର୍ଗତ ଲର୍କି ଗ୍ରାମର ବିପିନ ସେଠ ଏବଂ ତାଙ୍କ ପତ୍ନୀ ସାଏବାନୀ ସେଠ । ସୂଚନା ଅନୁଯାୟୀ ଗତକାଲି ବିଳମ୍ବିତ ରାତ୍ରିରେ ଏହି ଦୁର୍ଘଟଣା ହୋଇଛି ।
ସାଏବାନୀ ପାରାଲିସିସ ରୋଗରେ ପୀଡିତ ଥିଲେ ଏବଂ ଗତ କିଛି ଦିନ ହେବ ବୁର୍ଲା ଡାକ୍ତରଖାନାରେ ଚିକିତ୍ସତ ହେଉଥିଲେ । ଗତକାଲି ଚିକିତ୍ସତ ଅବସ୍ଥାରେ ବୁର୍ଲା ଠାରେ ତାଙ୍କର ମୃତ୍ୟୁ ହୋଇଥିଲା । ସାଏବାନୀଙ୍କ ମୃତ ଶରୀରକୁ ନେଇ ତାଙ୍କ ସ୍ୱାମୀ ବିପିନ ଏକ ଆମ୍ବୁଲାନ୍ସରେ ନିଜ ଘରକୁ ଫେରୁୁଥିବା ସମୟରେ କୌଣସି କାରଣ ବଶତଃ ଆମ୍ବୁଲାନ୍ସଟି ଏକ ଗଛରେ ପିଟି ହୋଇଥିଲା । ଦୁର୍ଘଟଣାରେ ଆମ୍ବୁଲାନ୍ସ ଆଗ ପଟେ ବସିଥିବା ବିପିନଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଆମ୍ବୁଲାନ୍ସ ଡ୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଛି । ଆଜି ସକାଳେ ପାଟଣାଗଡ ପୋଲିସ ଏବଂ ଦମକଳ ବାହିନୀ ଖବର ପାଇ ଘଟଣାସ୍ଥଳରେ ପହଂଚି ଦୁଇଟି ମୃତ ଶରୀର ଉଦ୍ଧାର କରିଛନ୍ତି ।
