ତିନିମହଲା କୋଠାରେ ବିସ୍ପୋରଣ

Oct 3, 2019 - 04:34 Updated: Oct 3, 2019 - 04:34

6473

ବାଲେଶ୍ୱର:ଏକ ତିନିମହଲା କୋଠାର ଉପର ମହଲାରେ ବିସ୍ଫୋରଣ ଘଟିଛି । ବିସ୍ଫୋରଣରେ ଉପର ମହଲାର କାନ୍ଥ ଭାଙ୍ଗି ଛିନଛତ୍ର ହୋଇଯାଇଛି । ଶିଳ୍ପାଂଚଳ ଥାନା ଅଚୁ୍ୟତପୁର ଗାଁ କାଳିଚରଣ ମହାପାତ୍ରଙ୍କ ଘରେ ବିସ୍ଫୋରଣ ଘଟିଛି । ଉପର ମହଲାରେ ଭଡା ରହୁଥବା ବ୍ୟକ୍ତିଙ୍କ ପତା ମିଳୁନି । ଉପର ମହଲାରେ ଶ୍ରୀଧର ମହାନ୍ତି ନାମକ ଜଣେ ମାର୍ବଳ ମିସ୍ତ୍ରୀ ରହୁଥିଲେ ବୋଲି ସୂଚନା ମିଳିଛି । ମଝି ମହଲାରେ ବିହାରର ସୁମିତ ନାମକ ଜଣେ ବ୍ୟକ୍ତି ଭଡା ରହୁଥିଲେ । ଏହି ଦୁର୍ଘଟଣାରେ କେହି ମୃତାହତ ହୋଇ ନଥିବା ସୂଚନା ମିଳିଛି । ବିସ୍ଫୋରଣର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ । ସାଇଂଟିଫିକ୍ ଟିମ ଆସିଲା ପରେ ବିସ୍ଫୋରଣ କାରଣ ସ୍ପଷ୍ଟ ହେବ । ଘଟଣାସ୍ଥଳରେ ପୋଲିସ ପହଂଚି ତଦନ୍ତ ଆରମ୍ଭ କରିଛି ।