ଜୀବନବ୍ୟାପି ସାଧନା ସମ୍ମାନ ପାଇବା ପରେ ଓଡିଶା ଆସୁଛନ୍ତି ନବୀନ, ଭବ୍ୟ ସ୍ୱାଗତ ପାଇଁ ରାଜରସ୍ତା ଭିଡ
ଜୀବନବ୍ୟାପି ସାଧନା ସମ୍ମାନ ପାଇବା ପରେ ଓଡିଶା ଆସୁଛନ୍ତି ନବୀନ, ଭବ୍ୟ ସ୍ୱାଗତ ପାଇଁ ରାଜରସ୍ତା ଭିଡ
admin
ଭୁବନେଶ୍ୱର : ଓଡ଼ିଶାର ବୈପ୍ଳବିକ ବିକାଶ ସହ ରାଜ୍ୟବାସୀଙ୍କ ହିତ ଲାଗି ନିଷ୍ଠାପର ଉଦ୍ୟମ ପାଇଁ ମୁଖ୍ୟମନ୍ତ୍ରୀଙ୍କୁ ଦିଲ୍ଲୀରେ କ୍ୟାପିଟାଲ ଫାଉଣ୍ଡେସନ ପକ୍ଷରୁ ଲାଇଫଟାଇମ ଆଚିଭ୍ମେଣ୍ଟ ଆୱାର୍ଡ ପ୍ରଦାନ କରାଯାଇଛି । ଦିଲ୍ଲୀ ଗସ୍ତ ସାରି ମଙ୍ଗଳବାର ଦିନ ୧୧ଟା ୩୦ରେ ନବୀନ ଭୁବନେଶ୍ୱର ବିମାନବନ୍ଦରରେ ପହଞ୍ଚିବେ । ଏହି ଅବସରରେ ନବୀନଙ୍କୁ ଭବ୍ୟ ସ୍ୱାଗତ ଜଣାଇବାକୁ ବିଜେଡି ପକ୍ଷରୁ ବିରାଟ ପ୍ରସ୍ତୁତି କରାଯାଇଛି । ପ୍ରତି ନିର୍ବାଚନମଣ୍ଡଳୀରୁ ଶତାଧିକ କର୍ମୀ, ନେତା, ଶୁଭେଚ୍ଛୁ ଆସୁଛନ୍ତି ନବୀନଙ୍କ ସ୍ୱାଗତ ପାଇଁ । ଏହାବାଦ୍ ଭୁବନେଶ୍ୱର, ଖୋର୍ଦ୍ଧା, କଟକ, ପୁରୀ, ଯାଜପୁର, ଜଗତସିଂହପୁର, ନୟାଗଡ଼, କେନ୍ଦ୍ରାପଡ଼ା, ଅନୁଗୁଳ, ଭଦ୍ରକ ଆଦି ଜିଲ୍ଲାରୁ ହଜାର ହଜାର ସଂଖ୍ୟାରେ କର୍ମୀ ଆସୁଛନ୍ତି ଭୁବନେଶ୍ୱର । କର୍ମୀ, ନେତା ଏକାଠି ହେବେ ବିଜୁ ପଟ୍ଟନାୟକ ବିମାନବନ୍ଦର ଗୋଲେଇ ଛକ ପାଖରେ । ସଭିଏ ନବୀନଙ୍କୁ ଦେଖିବେ, ଶୁଣିବେ ଓ ଶୁଭେଚ୍ଛା ଜଣାଇବେ ।
ନବୀନ ବିମାନବନ୍ଦରରୁ ଆସି ଗୋଲେଇ ଛକରେ ପହଞ୍ଚିବେ । ବିଜୁ ବାବୁଙ୍କ ପ୍ରତିମୂର୍ତ୍ତିକୁ ଶ୍ରଦ୍ଧାଞ୍ଜଳି ଜଣାଇବେ । ସେଠାରେ ପ୍ରସ୍ତୁତ ମଞ୍ଚରେ ତାଙ୍କୁ ବିଶାଳ ସମ୍ବର୍ଦ୍ଧନା ଦିଆଯିବ । ମଞ୍ଚରୁ କର୍ମକର୍ତ୍ତା ଓ ରାଜ୍ୟବାସୀଙ୍କୁ ନବୀନ ଉଦବୋଧନ ଦେବା କାର୍ୟ୍ୟକ୍ରମ ରହିଛି । ସବୁ ବଡ଼ ନେତା ସେଠାରେ ଉପସ୍ଥିତ ରହିବେ । ଦଳର ସମସ୍ତ ବିଧାୟକ, ମନ୍ତ୍ରୀ ଓ ସାଂସଦ କାର୍ୟ୍ୟକ୍ରମରେ ଉପସ୍ଥିତ ରହିବେ । ଯୁବ, ଛାତ୍ର, ମହିଳା ସଂଗଠନ ପୂରା ଦମ ଲଗାଇ ଦେଇଛନ୍ତି କାର୍ୟ୍ୟକ୍ରମ ପାଇଁ । ଯୋଡ଼ି ଶଙ୍ଖରେ କମ୍ପିବ ବିମାନବନ୍ଦର ଅଞ୍ଚଳ । ଫୁଲ ବର୍ଷା ହେବ ନବୀନଙ୍କ ସ୍ୱାଗତରେ । ପାରମ୍ପରିକ ବାଦ୍ୟ ଓ ନାଚଗୀତ ବି ହେବ ।
