ଚେଲା କୁମାର ନିଜ ଦଳକୁ ସମ୍ଭାଳନ୍ତୁ: ପ୍ରଦୀପ୍ତ
ଚେଲା କୁମାର ନିଜ ଦଳକୁ ସମ୍ଭାଳନ୍ତୁ: ପ୍ରଦୀପ୍ତ
admin
2429
ଭୁବନେଶ୍ୱର: କଂଗ୍ରେସ ପ୍ରଭାରୀ ଏ.ଚେଲା କୁମାର ନିଜ ଦଳକୁ ସମ୍ଭାଳନ୍ତୁ ବୋଲି ବିଜେପି ନେତା ପ୍ରଦୀପ୍ତ ନାଏକ କହିଛନ୍ତି । ବିଜେପି ଓ ବିଜେଡି ଗୋଟିଏ ମୁଦ୍ରାର ଦୁଇଟି ପାଶ୍ୱର୍ ବୋଲି ଚେଲା କୁମାର କହିବା ପରେ ନିଜର ପ୍ରତିକ୍ରିୟା ରଖି ଶ୍ରୀ ନାଏକ କହିଛନ୍ତି ।
ଶ୍ରୀ ନାଏକ କହିଛନ୍ତି ଯେ, ନିକଟରେ ହୋଇଥିବା ଉପନିର୍ବାଚନରେ କିଏ ବିକ୍ରି ହୋଇଥିଲା ତାହା ସମସ୍ତେ ଜାଣନ୍ତି । ବିଜେପି ହିଁ ବିଜେଡି ସହ ଲଢିଥିଲା । ଚେଲା କୁମାର ଆଗ ନିଜ ଦଳ କଥା ଦେଖନ୍ତୁ । ନିଜ ଦଳକୁ କିପରି ସମ୍ଭାଳି ହେବ ସେ ତାହା ଆଗ ଦେଖନ୍ତୁ । କୁନ୍ଦୁଲି କେସରେ ଏସଆଇଟିକୁ କଂଗ୍ରେସ ବିରୋଧ କରୁଥିବାବେଳେ ପରୀ କେସରେ ସମର୍ଥନ କରୁଛି । ଏଭଳି ଦଳକୁ କ’ଣ କୁହାଯିବ ବୋଲି ପ୍ରଦୀପ୍ତ ନାଏକ କହିଛନ୍ତି । ଅନ୍ୟପକ୍ଷରେ ପରୀ ମାମଲାରେ କୃଷିମନ୍ତ୍ରୀଙ୍କ ବହିଷ୍କାର ସହ ସିବିଆଇ ତଦନ୍ତ ପାଇଁ ବିଜେପି ଦାବି କରୁଛି । ତାସ ଘରୁ ଗୋଟିଏ ପତା ଖସିଲେ ମୁଖ୍ୟମନ୍ତ୍ରୀ ବି ଖସିବେ ବୋଲି ପ୍ରଦୀପ୍ତ ନାୟକ କହିଛନ୍ତି । ପ୍ରକାଶ ଯେ, ରବିବାର ଏକ ସାମ୍ବାଦିକ ସମ୍ମିଳନୀରେ କଂଗ୍ରେସ ପ୍ରଭାରୀ ଏ.ଚେଲା କୁମାର ବିଜେପି ଓ ବିଜେଡି ବିରୋଧରେ ବର୍ଷିଥିଲେ । ବିଜେପି ଓ ବିଜେଡି ଗୋଟିଏ ମୁଦ୍ରାର ଦୁଇଟି ପାଶ୍ୱର୍ ବୋଲି ଚେଲା କୁମାର କହିଥିଲେ ।
ଏହାଛଡ଼ା ସେ କହିଥିଲେ ଯେ, ଓଡ଼ିଶାକୁ ଲୁଟିବାକୁ ଉଭୟଙ୍କ ମଧ୍ୟରେ ଗୁପ୍ତ ଚୁକ୍ତି ହୋଇଛି । ପରୀ ପ୍ରସଙ୍ଗରେ ବିଧାନସଭାରେ କଂଗ୍ରେସ ପ୍ରଥମେ ସ୍ୱର ତୀବ୍ର କରିଥିଲା । ସରକାରଙ୍କ ଏସଆଇଟି ତଦନ୍ତ ନିଦେ୍ର୍ଧଶ କଂଗ୍ରେସର ଐତିହାସିକ ସଫଳତା । କିନ୍ତୁ ଆମ ନେତା ଲାଞ୍ଚ ଖାଇ ଚୁପ ହୋଇଗଲେ ବୋଲି ବିଜେପି ଅଭିଯୋଗ କରୁଛି । ପ୍ରସଙ୍ଗକୁ ଡାଇଭର୍ଟ କରିବା ପାଇଁ ବିଜେପି ଏଭଳି କଥା ଉଠାଇଛି ବୋଲି ଚେଲା କୁମାର ଅଭିଯୋଗ କରିଥିଲେ । ଏହି ଅବସରରେ ଇତିଶ୍ରୀ ହତ୍ୟା ଓ ଖଣି ଦୁର୍ନୀତି ଅନେକ ପ୍ରସଙ୍ଗରେ ବି ଚେଲା କୁମାର ଟାର୍ଗେଟ କରିଥିଲେ । ସିବିଆଇ ତଦନ୍ତ କୁଆଡେ଼ ଗଲା ଓ କଣ ଫଳ ମିଳିଲା ବୋଲି ଚେଲା କୁମାର ପ୍ରଶ୍ନ କରିଥିଲେ ।
