ଚନ୍ଦ୍ରଭାଗାରେ ଡଲ୍ଫିନ୍
ଚନ୍ଦ୍ରଭାଗାରେ ଡଲ୍ଫିନ୍
admin
2430
କୋଣାର୍କ: ରବିବାର ଅପରାହ୍ନରେ ହଠାତ୍ ଚନ୍ଦ୍ରଭାଗା ଉପକୂଳରେ ବହୁ ସଂଖ୍ୟାରେ ଡଲଫିନ ଦେଖିବାକୁ ମିଳିଥିଲା । କୁଶଭଦ୍ରା ନଦୀ ମୁହାଣରୁ ଅଳ୍ପ ଦୂରରେ ସମୁଦ୍ର ମଧ୍ୟରେ ଡଲଫିନ୍ ଗୁଡ଼ିକ ଖେଳୁଥିବା ସୂଚନା ମିଳିବା ପରେ ପର୍ଯ୍ୟଟଙ୍କ ଭିଡ଼ ଜମିଥିଲା । ଇକୋ ରିଟ୍ରିଟ ଅନୁଷ୍ଠିତ ହେଉଥିବା ସ୍ଥାନଠାରୁ ଚନ୍ଦ୍ରଭାଗା ପର୍ଯ୍ୟନ୍ତ ସମୁଦ୍ରର ବିଭିନ୍ନ ସ୍ଥାନରେ ଏହି ଡଲଫିନ୍ଗୁଡ଼ିକ ଦେଖିବାକୁ ମିଳିଥିଲା ।
ଦୀର୍ଘ ବର୍ଷ ବ୍ୟବଧାନରେ ହଠାତ୍ ଚନ୍ଦ୍ରଭାଗାରେ ମାଳ ମାଳ ଡଲଫିନ୍ଙ୍କ ଆବିର୍ଭାବ ଜଳବାୟୁ ପରିବର୍ତ୍ତନର ସୂଚନା ହୋଇପାରେ ବୋଲି ସ୍ଥାନୀୟ ମତ୍ସ୍ୟଜୀବୀ ପ୍ରକାଶ କରିଛନ୍ତି । ପୂର୍ବରୁ ଏହି ସ୍ଥାନରେ କେବେ କେବେ ଗଭୀର ସମୁଦ୍ରରେ ଡଲଫିନ୍ ଚଳପ୍ରଚଳ ହେବାର ନଜୀର ରହିଛି । କିନ୍ତୁ ବେଳାଭୂମିର ଏତେ ନିକଟରେ ପୂର୍ବରୁ କେବେ ଡଲଫିନ୍ଦେଖା ଦେଖନଥିଲେ ବୋଲି ସ୍ଥାନୀୟ ଲୋକ ପ୍ରକାଶ କରିଛନ୍ତି । ଅନ୍ୟ ପକ୍ଷରେ ଯଦି ଡଲଫିନ୍ଙ୍କ ଆଗମନ ଏଭଳି ଭାବେ ଲାଗି ରହେ ତେବେ କୋଣାର୍କ ଚନ୍ଦ୍ରଭାଗାରେ ପରିବେଶ ପର୍ଯ୍ୟଟନ ଓ ବେଳାଭୂମି ପର୍ଯ୍ୟଟନ ପାଇଁ ଏହା ଅପୂର୍ବ ସୁଯୋଗ ଆଣିଦେବ ବୋଲି ମତ ପ୍ରକାଶ ପାଇଛି ।
