ଖାକିରେ କଳଙ୍କ :ପୁଲିସ ବିରୋଧରେ ଗଣଦୁଷ୍କର୍ମ ଅଭିଯୋଗ ଆଣିଲେ ମହିଳା
ଖାକିରେ କଳଙ୍କ :ପୁଲିସ ବିରୋଧରେ ଗଣଦୁଷ୍କର୍ମ ଅଭିଯୋଗ ଆଣିଲେ ମହିଳା
admin
5154
ରେୱା: ମଧ୍ୟପ୍ରଦେଶ ରେୱା ଜିଲ୍ଲାରେ ଜଣେ ୨୦ ବର୍ଷୀୟା ହତ୍ୟା ଅଭିଯୁକ୍ତ ମହିଳା ପୁଲିସ ହାଜତରେ ଥିବା ବେଳେ ୫ ପୁଲିସଙ୍କ ଦ୍ୱାରା ଗଣଦୁଷ୍କର୍ମର ଶିକାର ହୋଇଛନ୍ତି । ମହିଳାଙ୍କ ଅଭିଯୋଗ ଅନୁଯାୟୀ ତାଙ୍କୁ ମେ’୯ ରୁ ୨୧ ମଧ୍ୟରେ ଲଗାତାର ୧୦ ଦିନ ଧରି ଗଣଦୁଷ୍କର୍ମ କରାଯାଇଛି । ରେୱାରେ ଏକ ଲକଅପରେ ଥିବା ସମୟରେ ଏଭଳି ଅଘଟଣ ଘଟିଥିଲା । ୫ ପୁଲିସଙ୍କ ମଧ୍ୟରେ ଥିବା ଥାନା ଇନଚାର୍ଜ ଏବଂ ଏସଡିପିଓ ଥିଲେ ବୋଲି ସେ କହିଛନ୍ତି । ମହିଳା ଜଣକ ଏ ନେଇ ଅତିରିକ୍ତ ଜିଲ୍ଲା ଜଜଙ୍କ ନିକଟରେ ଅଭିଯୋଗ କରିବା ପରେ ଉକ୍ତ ଘଟଣାର ନ୍ୟାୟିକ ତଦନ୍ତ ଘୋଷଣା ହୋଇଛି । ଜେଲକୁ ଆସି କିଛି ଅପରାଧି ଯାଞ୍ଚ ପାଇଁ ଯାଇଥିବା ସମୟରେ ମହିଳା ଜଣକ ତାଙ୍କ ଆଗରେ ଏହି ଅଭିଯୋଗ କରିଥିଲେ । ମହିଳାଙ୍କ ଅଭିଯୋଗ ଅନୁଯାୟୀ ୫ ଜଣ ପୁଲିସ ତାଙ୍କୁ ଲକଅପରେ ମେ’ ୯ ରୁ ୨୧ ମଧ୍ୟରେ ଗଣଦୁଷ୍କର୍ମ କରିଥିଲେ । ଜଣେ ମହିଳା ପୁଲିସ କନଷ୍ଟେବଳ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ ମଧ୍ୟ ତାଙ୍କ କଥାକୁ କେହି ଶୁଣିନଥିଲେ । ପୁଲିସ କିନ୍ତୁ ଏହି ଅଭିଯୋଗକୁ ଖଣ୍ଡନ କରିଛି ।
